ભિવંડીમાં બાઇક પર વીજળી પડવાથી ત્રણ યુવકોનાં મૃત્યુ

Published: 2nd October, 2012 04:30 IST

થાણે જિલ્લામાં ભિવંડીના નિંબોલી નાકા પાસે ગઈ કાલે સાંજે છ વાગ્યે પલ્સર બાઇક પર ટ્રિપલ સીટ જઈ રહેલા લગભગ ૨૪ વર્ષના ત્રણ યુવકો પર વીજળી પડતાં તેમનાં ઘટનાસ્થળે જ મૃત્યુ થયાં હતાં.

પ્રાથમિક માહિતીમાં તેમનાં  નામ શશિકાંત પાટીલ, અલ્પેશ ભોઈર અને રાજેશ ભોઈર હોવાનું જાણવા મળ્યું હતું. પોલીસે તેમના મૃતદેહ ઇન્દિરા ગાંધી હૉસ્પિટલમાં પોસ્ટમૉર્ટમ માટે મોકલી આપ્યા હતા. આ યુવકો ભિવંડીના વાડપા વિસ્તારમાં આવેલા એક ગોડાઉનમાં કામ કરતા હતા. વીજળી પડવાથી તેમની બાઇકની પેટ્રોલની ટાંકી પર ખાડો પડી ગયો હતો. તેમની બાઇકનો નંબર ૩૧૧૫ છે અને મરાઠીમાં આ નંબર ‘આઇ’ તરીકેની સ્ટાઇલમાં લખવામાં આવ્યો છે. જોકે મૃત્યુ પામતાં પહેલાં જે યુવક બાઇક ચલાવી રહ્યો હતો તેણે જોરથી ‘આઇ’ નામે ચીસ પાડી હતી.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK