UIDના આધાર ઍપનું નવું વર્ઝન લૉન્ચ, આધાર કાર્ડ ગુમ થતાં નવું ઘરે આવી જશે

Published: Dec 15, 2019, 13:02 IST | Mumbai Desk

યુઆઇડી રીટ્રીવની રિક્વેસ્ટ જેવાં સહેલાં કામ કરી શકાય છે. આપ આ ઍપ દ્વારા સહેલાથી ઑનલાઇન રિક્વેસ્ટનું સ્ટેટ્સ ચેક કરી શકો છો.

યુનિક આઇડેન્ટિફિકેશન ઑથોરિટીના આધાર ઍપનું નવું વર્ઝન લૉન્ચ કરવામાં આવ્યું છે. આ નવી ઍપનું નામ એમઆધાર છે જેને એન્ડ્રૉઇડ કે આઇઓએસ યુઝર્સ સહેલાઈથી ડાઉનલોડ કરી શકશે. એ ઍપલની ઍપ અને એન્ડ્રૉઇડના પ્લે સ્ટોર પરથી ડાઉનલોડ કરી શકાય છે. આપ આ એપ્લિકેશનની મદદથી સહેલાઈથી આધારને રીપ્રિન્ટની રિક્વેસ્ટ મોકલી શકો છો. આધાર રીપ્રિન્ટ માટે આપે ૫૦ રૂપિયા સર્વિસ-ચાર્જ રૂપે આપવો પડશે. આપના દ્વારા રિક્વેસ્ટ કરવા પર ૧૫ દિવસની અંદર જ એની ડિલિવરી કરી દેવામાં આવશે. આ દરમ્યાન આપે એ વાતનું ધ્યાન રાખવાનું છે કે નવો પ્રિન્ટેડ આધાર રજિસ્ટર્ડ ઍડ્રેસ પર જ મોકલવામાં આવશે. નવી આધાર ઍપનો ઉપયોગમાં પહેલાં કરતાં વધુ સરળ અને સુગમ છે. આ નવી એપમાં ઑફલાઇન કેવાયસી, કયુઆર કોડ સ્કેન્, રીપ્રિન્ટનો ઑર્ડર કરવો, ઍડ્રેસ અપડેટ કરવું, આધાર વેરિફાઈ કરાવવું, ઇમેલ વેરિફાઈ કરાવવું, યુઆઇડી રીટ્રીવની રિક્વેસ્ટ જેવાં સહેલાં કામ કરી શકાય છે. આપ આ ઍપ દ્વારા સહેલાથી ઑનલાઇન રિક્વેસ્ટનું સ્ટેટ્સ ચેક કરી શકો છો.

ગૂગલ કે ઍપલ પ્લે સ્ટોરમાં જાઓ-ઇન્સ્ટોલ બટન પર ક્લિક કરો. જે બાદ આપને જરૂરી માહિતી આપવી પડશે જે બાદ આપનાં ફોનમાં ઍપ ઇન્સ્ટોલ થઈ જશે. ઍપમાં નવો પાસવર્ડ સેટ કરવાનો રહેશે. આ પાસવર્ડ દર વખતે ઍપનાં ઉપયોગ પહેલાં વાપરવાનો રહેશે. આ પાસવર્ડ ૪ ડિજિટનો હશે જે અંકોમાં રહેશે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK