મોદી સ્વાર્થ ખાતર ગમે એ જાહેર કરી દે એવો માણસ : કેશુભાઈ

Published: 16th December, 2012 03:27 IST

ગુજરાતના ભૂતપૂર્વ મુખ્ય પ્રધાન કેશુભાઈ પટેલે ગુજરાતના મુખ્ય પ્રધાન નરેન્દ્ર મોદીને ગઈ કાલે ગદ્દાર અને અપ્રામાણિક નેતા સાથે સરખાવતાં કહ્યું હતું કે મોદી પોતાના સ્વાર્થ ખાતર રાષ્ટ્રીય રહસ્ય જગજાહેર કરે એ દેશ માટે મોટું અહિત છે.



બે દિવસ પહેલાં નરેન્દ્ર મોદીએ સરક્રીક મુદ્દે વડા પ્રધાન મનમોહન સિંહને પત્ર લખ્યો હતો. આ પત્ર જાહેર કરવાની બાબતમાં કેશુભાઈ પટેલે ઉપરોક્ત પ્રતિક્રિયા આપી હતી અને બંધારણને સ્પષ્ટ કરતાં ‘મિડ-ડે’ને કહ્યું હતું કે ‘મુખ્ય પ્રધાનપદના શપથ લેવામાં આવે છે ત્યારે આ પ્રકારની વાતો ગોપનીય રાખવાના શપથ પણ આપવામાં આવે છે. મુખ્ય પ્રધાન વડા પ્રધાનને પત્ર લખે એ એક બંધારણીય ઘટના છે. એ જાહેર કરવું એટલે રાજનૈતિક ગુનો છે. આ પત્રમાં કંઈ એવું ખાસ નથી, પણ મોદી એવો માણસ છે જે પોતાના સ્વાર્થ ખાતર ગમે એ જાહેર કરી દે. પોતાની જાતને વડા પ્રધાન તરીકે પ્રોજેક્ટ કરતા આ માણસ માટે હું તો જનતાને કહીશ કે આવા માણસને વડા પ્રધાન બનાવીએ તો તે ગમે એવાં રાજકીય રહસ્યો ખુલ્લામાં જાહેર કરી દે. તેને મહત્વના પદે બેસાડવાની ભૂલ કોઈ દિવસ ન કરાય.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK