કર્ણાટકમાં લીલોતરીની વચ્ચે દોડતી ટ્રેનની અદ્ભુત તસવીર

આપણા દેશમાં કુદરતી સૌંદર્ય ઠાંસી-ઠાંસીને ભર્યું છે. દેશમાં ઠેર-ઠેર સુંદરતાનાં દર્શન થાય છે. રેલવે મંત્રાલય દ્વારા શૅર કરવામાં આવેલી કર્ણાટકમાં હરિયાળાં વૃક્ષો અને લીલાંછમ ખેતરો વચ્ચેથી પસાર થઈ રહેલી ટ્રેનની તસવીર એનો તાજો પુરાવો છે. આ તસવીર કર્ણાટકના હરવાડા રેલવે-સ્ટેશન પાસે લેવામાં આવી છે. હરવાડા સ્ટેશન કારવાર જિલ્લામાં આવ્યું છે. નેટિઝન્સે તસવીર જોઈને ‘બહોત હી શાનદાર દૃશ્ય’ ગણાવ્યું હતું. કેટલાક લોકોએ દેશનાં આ પ્રકારનાં પ્રાકૃતિક સૌંદર્યથી છલકાતાં અન્ય રેલવે-સ્ટેશનોનાં નામો પણ જણાવ્યાં છે, તો વળી કોઈકે આ સુંદર ફોટોને અવગણીને રેલવે વિશેની પોતાની ફરિયાદો જ મંત્રાલયને જણાવી છે.