કંગનાની જીત, HC એ કહ્યું 'ખોટા ઇરાદે' કરાઇ અભિનેત્રીની ઑફિસમાં તોડફોડ

Updated: 27th November, 2020 12:51 IST | Gujarati Mid-Day Online Correspondent | Mumbai

મુંબઇ હાઇકૉર્ટ શુક્રવારે સવારે 11 વાગ્યે કંગના રણોતની ઑફિસના તોડફોડ મામલે નિર્ણય સંભળાવાની હતી જે તેણે કંગનાના હકમાં નિર્ણય આપ્યો છે.

મુંબઇ હાઇકૉર્ટ (Mumbai High Court) શુક્રવારે સવારે 11 વાગ્યે બોલીવુડ અભિનેત્રી કંગના રણોત (Bollywood Actress Kangana Ranaut)ની ઑફિસ (Office)ના તોડફોડ મામલે નિર્ણય સંભળાવાની હતી જે તેણે કંગનાના હકમાં નિર્ણય આપ્યો છે.

હકીકતે ફિલ્મ અભિનેત્રી કંગના રણોતે મુંબઇ સ્થિત ઑફિસમાં બીએમસી દ્વારા કરવામાં આવેલી તોડફોડ વિરુદ્ધ હાઇ કૉર્ટમાં અરજી દાખલ કરી હતી. 5 ઑક્ટોબરના હાઇકૉર્ટે દરેક પક્ષની દલીલ સાંભળ્યા બાદ પોતાનો નિર્ણય સુરક્ષિત રાખ્યો હતો.

અભિનેત્રી કંગના રણોત (Kangana Ranaut) અને બીએમસી (BMC) વિવાદ પર શુક્રવારે બૉમ્બે હાઇકૉર્ટ (Bombay High Court)એ કંગનાના પક્ષમાં નિર્ણય લીધો. બૉમ્બે હાઇ કૉર્ટે કહ્યું કે આ વાતના પ્રમાણ છે કે સ્ટ્રક્ચર પહેલાથી હાજર હતી. બીએમસી (BMC)ની કાર્યવાહી ખોટાં ઇરાદે કરવામાં આવી હતી. ઉચ્ચ ન્યાયાલયે બીએમસીના ધ્વસ્તીકરણ (Demolition)ના આદેશને નિરસ્ત કરી દીધો છે. કંગનાને થયેલા નુકસાનના આકલન માટે મૂલ્યાંકન કર્તાને નિયુક્ત કરવાની વાત કહી જેથી વળતરની ચોક્કસ રકમ નક્કી કરી શકાય.

બૉમ્બે હાઇકૉર્ટે અરજીકર્તા (કંગના રણોત)ને સાર્વજનિક મંચ પર વિચારો રાખવામાં સંયમ રાખવા માટે કહ્યું, પણ સાથે એ પણ કહ્યું કે કોઇપણ રાજ્ય દ્વારા કોઇક નાગરિકે કરેલ ગેરજવાબદારીપૂર્વક ટિપ્પણીઓની અવગણના કરવામાં આવે છે. કોઇક નાગરિકની એવી ટિપ્પણીઓ માટે રાજ્યની આ રીતે કોઇ કાર્યવાહી કાયદા પ્રમાણે ન થઈ શકે.

બીએમસીએ 9 સપ્ટેમ્બરના કંગના રણોતના બંગલાનો એક ભાગ તોડી પાડવામાં આવ્યો હતો. કંગનાએ આરોપ મૂક્યો હતો કે શિવસેના અને મહારાષ્ટ્ર સરકાર વિરુદ્ધ તેમના તરફથી આપેલા નિવેદનોને કારણે બીએમસીએ આ કાર્યવાહી કરી છે. તો, બીએમસીનો દાવો હતો કે કંગનાની ઑફિસમાં ગેરકાયદેસર નિર્માણ હતું.

બીએમસીએ તેની ઑફિસમાં 14 'ઉલ્લંઘનો'ને સૂચીબદ્ધ કર્યું હતું. આમાં એ પણ સામેલ હતું કે કિચનની જગયાએ ટૉયલેટ બનાવામાં આવ્યું છએ અને ટૉયલેટના સ્થાને ઑફિસ બનાવવામાં આવ્યું છે.

Kangana Ranaut: મનાલીથી મુંબઇ દરમિયાન તોડફોડ, દમદાટી, મિજાજ, સિક્યોરિટી અને ટોળેટોળાં

1/30

BMCએ કંગનાની ઑફિસની બહાર આ નોટિસ લગાડી હતી. કંગનાને 24 કલાકની નોટિસ અપાઇ હતી પણ તેના તરફથી પ્રતિક્રિયા ન આવતા BMCએ પોતાની યોજના પ્રમાણે તોડફોડની કામગીરી શરૂ કરી હતી.
2/30

48 કરોડની કંગનાની ઑફિસ પર બુલડોઝર ફેરવવામાં આવ્યું હતું.
3/30

કોર્પોરેશનના કર્મચારીઓએ કામગીરી શરૂ કરતા પહેલાં અનિવાર્ય કામગીરી કરી હતી.
4/30

કંગનાની ઑફિસની તોડફોડ શરૂ થઇ ત્યારે ત્યાં મોટી સંખ્યામાં પોલીસ ફોર્સ હાજર હતી.
5/30

બુલ ડોઝર લઇને પહોંચેલા કોર્પોરેશનની કામગીરીને કંગનાએ બુલીડોઝિંગ સાથે સરખાવ્યું હતું.
6/30

કંગનાએ પોતાના ટ્વીટમાં લખ્યું હતું કે આ જગ્યા તેને માટે કોઇ મંદિરથી કમ નથી.
7/30

જ્યારે તેની ઑફિસ ડિમોલીશ થઇ રહી હતી ત્યારે કંગનાએ પોતાની ઑફિસની તસવીરો શૅર કરી હતી.
8/30

તેણે ઑફિસમાં થયેલી પૂજાની તવીરો શૅર કરી તેના કર્મ સ્થળને મંદિર સાથે સરખાવ્યું હતું.
9/30

તેણે પોતાની ઑફિસમાં બનાવેલા પૂજા સ્થળનો ફોટો પણ મૂક્યો હતો.
10/30

કંગનાની ઑફિસ જ્યારે તુટી રહી હતી ત્યારે તે સતત ટ્વીટ કરી રહી હતી. તેણે મુંબઇને POK, પાકિસ્તાન સાથે સરખાવ્યું હતું.
11/30

કંગનાના વકિલ પણ એ સમયે હાજર હતા જ્યારે કોર્પોરેશનના અધિકારીઓ ડિમોલિશન માટે પહોંચ્યા હતા.
12/30

BMC કર્મચારીઓ પુરી તૈયારી સાથે કંગનાની ઑફિસમાં ગેરકાયદે બાંધકામ તોડવા પહોંચ્યા હતા. સાંજે એનસીપીના શરદ પવારે ટિપ્પણી કરી હતી કે શહેરમાં ઘણાં ગેરકાયદે બાંધકામ છે કોણ જાણે શા માટે BMC અહીં જ તોડફોડ કરી રહી છે.
13/30

તોડફોડ પછી આ સ્થિતિ હતી કંગનાની ઑફિસમાં.
14/30

મીડિયા વાળાઓને કવરેજ કરવા માટે જે જગ્યા મળી ત્યાં તે ચઢ્યા અને પોલીસે તેમને ઉતાર્યા હતા.
15/30

કંગનાની ઑફિસના હાલ.
16/30

પોલીસ અધિકારીઓએ તોડફોડનું રિપોર્ટિંગ કરનારા મીડિયાવાળાઓને ભારે જહેમતથી દૂર કર્યા હતા.
17/30

કંગનાએ મુંબઇ આવવા નીકળી તે પહેલાં આ વીડિયોમાં ઉદ્દવ ઠાકરેને તુંકારે સંબોધન કરીને તેનો ઘમંડ તૂટશે એવી ધમકી આપી હતી.
18/30

મંડીથી નીકળીને ચંદીગઢ જતાં કંગનાએ વચ્ચે રોકાઇને મંદિરે દર્શન કર્યા હતા.
19/30

કંગના અને તેની બહેનને એટલી સલામતી અપાઇ જાણે કોઇ મોટા રાજકારણીને અપાઇ રહી હોય.
20/30

કંગના વાય સિક્યોરિટી સાથે ચંદીગઢ એરપોર્ટ પરથી મુંબઇ આવવા નીકળી હતી.
21/30

જે શહેર આટલા લાંબા સમયથી ઘરમાં રહ્યું જેથી વાઇરસનો શિકાર ન બને તે આજે એક અભિનેત્રીના હોબાળાને પગલે આટલી મોટી સંખ્યામાં ભેગું થયું હતું.
22/30

એરપોર્ટ પર કંગનાને ધિક્કારતાં સ્લોગન, પેપર પોસ્ટર્સ લઇને લોકો એકઠા થયા હતા.
23/30

શિવસેનાનાં ટેકેદારોએ કંગનાના વિરોધમાં એરપોર્ટ પર દેખાવો કર્યા હતા.
24/30

કંગનાના સપોર્ટમાં કર્ણી સેનાએ એરપોર્ટ આ રીતે ટોળાં એકઠા કર્યા હતા. અહીં જોતાં લાગે છે કે કોરોના નામનું જોખમ લોકો ભૂલી ગયા છે.
25/30

કંગનાની બહેન રંગોલી મુંબઇ આવ્યા પછી તેના ખારના રેસિડન્સ પર પહોંચી હતી.
26/30

ખાર પર આવેલુ કંગનાનું રેસિડન્સ.
27/30

કંગનાના પાડોશીએ પણ બહારનો માહોલ જોવા માટે બાલ્કનીમાં અડિંગો જમાવ્યો હતો.
28/30

કંગનાના સપોર્ટમાં હાકલ પાડતી તેની કોઇ ફેન પણ નજરે ચઢી હતી.
29/30

કંગના જ્યારે ઘરે પહોંચી ત્યારે પણ ટોળે ટોળાં એકઠા થયા હતા. આજે સુશાંતની બહેને પણ કંગનાના સપોર્ટમાં પોસ્ટ શૅર કરી હતી.
30/30

કંગના ઘરે પહોંચી પછી તેણે આ ટ્વીટ કર્યું હતું...मैं अपनी मुंबई में हूँ,अपने घर में हूँ मुझपे वार भी हुआ तो पीठ पीछे जब मैं फ़्लाइट में थी,सामने नोटिस देने की या वार करने की हिम्मत नहीं है मेरे दुश्मनों में ये जानकर अच्छा लगा,बहुत लोग मुझे पहुँचाई हुई हानि से दुखी और चिंतित हैं मैं उनके आशीर्वाद और स्नेह की आभारी हूँ

About the gallery

કંગના રાણૌટ વિશે જેટલી વાતો અને ચર્ચાઓ થઇ છે એટલી કદાચ આ પહેલાં ભાગ્યે જ થઇ હશે. કંગનાની હોમ ઑફિસમાં બીએમસીએ કરેલી તોડફોડ અને તેને મળેલી કડક સુરક્ષા સાથે એરપોર્ટ પર તેના સપોર્ટ અને વિરોધમાં ભેગાં થયેલાં ટોળાંનો માહોલ જોવા જેવો છે. સુશાંતના મોતની ફરતે જે સ્તરે ઘોંઘાટ અને દેકારો થઇ રહ્યો છે તેમાં મૂળ મુદ્દો ક્યાંય પાછળ ઠેલાઇ ગયો છે. કંગના અને તેની સાથે જોડાયેલી ઘટનાઓ જોઇએ તસવીરોમાં.. (તસવીરો- સમીર અબેદી, સમીર માર્કંડે, યોગને શાહ, શાદાબ ખાન, પલ્લવ પાલીવાલ, આશિષ રાજે, એએનઆઇ)