DLF અને એના પ્રમોટર કે. પી.સિંહ એકલાં ગુનેગાર નથી, સેબી પણ છે

Published: 15th October, 2014 04:43 IST

પબ્લિક ઇશ્યુનો પોર્ટફોલિયો સંભાળનારા મર્ચન્ટ બૅન્કર્સના રેટિંગના પ્રભાવમાં સેબી આવે છે અથવા જાણીબૂજીને એનાં રેટિંગ્સને આખરી અને પ્રામાણિક માને છે. વાસ્તવમાં છેતરપિંડીમાં મર્ચન્ટ બેન્કરો પણ આડકતરી રીતે સંડોવાયેલા હોય છે. બીજું, કંપની વિશેની છુપાવવા જેવી વિગતો ફૉર્મમાં એટલા ઝીણા અક્ષરમાં છાપવામાં આવે છે કે ચોકસાઈ ધરાવનારો રોકાણકાર પણ એ વાંચી શકતો નથી




મંતવ્ય-સ્થાન - રમેશ ઓઝા

પ્રામાણિક માણસો બે ધંધાથી દૂર રહે છે, એક રાજકારણ અને બીજો કન્સ્ટ્રક્શન ઉદ્યોગ. રાજકારણ પણ હવે ધંધો જ છે. આ બન્ને ધંધામાં ભ્રક્ટાચાર અને અનીતિની કોઈ સીમા નથી એટલે સારા માણસો પાસે તમામ લાયકાત હોવા છતાં તેઓ એમાં ટકી શકતા નથી. આ બે દેશના સૌથી ભ્રક્ટ ઉદ્યોગ છે એટલે દેખીતી રીતે એ બે ઉદ્યોગ વચ્ચે લેવડ-દેવડનો સંબંધ છે. કેટલાક બિલ્ડરો રાજકારણી બની ગયા છે અને રાજકારણીઓના પૈસા બિલ્ડરો પાસે છે. રાજકારણીઓનું કાળું નાણું પાર્ક કરવા માટે એસ્ટેટ ઉત્તમ સાધન છે.

સેબીએ DLF લિમિટેડને અને એના છ સંચાલકોને સિક્યૉરિટી માર્કેટમાંથી ત્રણ વર્ષ માટે બરતરફ કર્યા છે. ૨૦૦૭માં DLશ્નો પબ્લિક ઇશ્યુ બજારમાં આવ્યો ત્યારે કંપનીએ કેટલીક માહિતી જાણીબૂજીને છુપાવી હતી. કંપનીની કેટલીક સબસિડિયરી કંપનીઓ સામે છેતરપિંડીના ગુના નોંધાયેલા છે અને દેશની વવિિધ અદાલતોમાં ખટલા ચાલી રહ્યા છે એ વિશેની કોઈ માહિતી રોકાણકરોને આપવામાં આવી નહોતી. સેબીની ગાઇડલાઇન્સ મુજબ કંપનીએ મૂડીબજારમાં પ્રવેશતાં પહેલાં લોકોને જાણ કરવી જરૂરી છે કે કંપની પાસે કેટલી ઍસેટ છે, કેટલું દેવું છે અને કેટલા અદાલતી ખટલા અને ફોજદારી ફરિયાદો છે. કંપની કે કંપનીના સંચાલકો ભૂતકાળમાં નાદાર થયા હોય તો એની માહિતી પણ આપવી પડે છે. સેબીની ગાઇડલાઇન્સ મુજબ કંપની એટલે બજારમાં આવનારી કંપની પોતે, એ કંપનીની જો કોઈ પેટાકંપનીઓ (સબસિડિયરી) અને કંપનીના પૂરા સમયના સંચાલકોની માલિકીની કંપનીઓનો સમાવેશ થાય છે. રોકાણકારો છેતરાય નહીં એ માટે આ બધી માહિતી આપવી જરૂરી છે. DLF લિમિટેડે છેતરપિંડીના ફોજદારી ગુનાઓની માહિતી છુપાવી હતી એનો દેખીતો અર્થ એ થાય કે કંપનીએ રોકાણકારો સાથે છેતરપિંડી કરી છે.

DLF કન્સ્ટ્રક્શન ઉદ્યોગમાં ટોચની કંપની છે અને આજકાલ સોનિયા ગાંધીના જમાઈ રૉબર્ટ વાડ્રાના કારણે વધારે ચર્ચામાં છે. ભારતમાં કનેક્શન વિના મોટા થવાતું નથી અને DLFના અધ્યક્ષ કે. પી. સિંહ રાજકારણમાં ચારે બાજુ કનેક્શન ધરાવે છે. દિલ્હી અને હરિયાણા કંપનીનો ગઢ છે અને ત્યાંની સરકારો કે. પી. સિંહના ઇશારે દરેક કામ કરી આપે છે. વાડ્રાની માલિકીની કંપની સ્કાયલાઇટ હૉસ્પિટાલિટી કંપનીમાં DLF ભાગીદાર છે. DLFએ રૉબર્ટ વાડ્રાને ૬૫ કરોડ રૂપિયાની લોન વગર વ્યાજે આપી હતી. પાછળથી જાણ થઈ હતી કે એ લોન હરિયાણામાં એક જમીનના સોદા પેટે આપવામાં આવી હતી. એ જમીન અનેક હાથમાં ફેરવીને રૉબર્ટ વાડ્રાને આપવામાં આવી હતી અને છેવટે DLF સાથે સોદો થયો હતો. હરિયાણાની કૉન્ગ્રેસ સરકારે વિધાનસભાની ચૂંટણી માટે આચારસંહિતા લાગુ થાય એ પહેલાં વાડ્રા- DLF વચ્ચેની ડીલમાંનાં વિઘ્નો દૂર કરી આપ્યાં હતાં.

ગુનેગાર એકલી DLF નથી, સેબી પણ છે. ૨૦૦૭માં DLશ્નો ૯૧૮૭ કરોડ રૂપિયાનો પબ્લિક ઇશ્યુ બજારમાં આવ્યો એ પહેલાં કીમસુક કૃષ્ણ સિંહાએ સેબીએ ફરિયાદ કરી હતી કે સુદીપ્તિ એસ્ટેટ નામની કંપની DLFના અધ્યક્ષ કે. પી. સિંહની સીધી માલિકીની છે અને સુદીપ્તિએ તેમની સાથે ૩૫ કરોડ રૂપિયાની છેતરપિંડી કરી છે. સેબીએ ત્યારે જ પબ્લિક ઇશ્યુ બજારમાં આવતો રોકીને તપાસ કરવી જોઈતી હતી. જો રોકાણકારોની આટલીબધી ચિંતા હતી તો DLF બજારમાંથી ૯૧ અબજ રૂપિયા ઉસેડે એ પહેલાં રોકાણકારોને બચાવવા જોઈતા હતા. સેબીએ ત્યારે કોઈ પગલાં લીધાં નહોતાં એટલે કીમસુક કૃષ્ણ સિંહા દિલ્હીની વડી અદાલતમાં ગયા હતા અને વડી અદાલતના આદેશના પગલે સેબીએ તપાસ યોજી હતી અને સત્ય બહાર આવ્યું હતું.

મૂડીબજારમાં પ્રવેશનારી કંપનીઓ માહિતી છુપાવીને રોકાણકારો સાથે છેતરપિંડી કરે છે એ જૂની વાત છે. અનેક કિસ્સાઓ આ રીતના બહાર આવ્યા છે, પણ સેબી એની ગાઇડલાઇન્સમાં સુધારો કરતી નથી. પબ્લિક ઇશ્યુનો પોર્ટફોલિયો સંભાળનારા મર્ચન્ટ બૅન્કર્સના રેટિંગના પ્રભાવમાં આવે છે અથવા જાણીબૂજીને એનાં રેટિંગ્સને આખરી અને પ્રામાણિક માને છે. વાસ્તવમાં છેતરપિંડીમાં મર્ચન્ટ બૅન્કરો પણ આડકતરી રીતે સંડોવાયેલા હોય છે. બીજું, કંપની વિશેની છુપાવવા જેવી વિગતો ફૉર્મમાં એટલા ઝીણા અક્ષરમાં છાપવામાં આવે છે કે ચોકસાઈ ધરાવનારો રોકાણકાર પણ એ વાંચી શકતો નથી. સેબીએ અદાલતના આદેશને પગલે પગલાં લીધાં છે અથવા લેવાં પડ્યાં છે એટલે રોકાણકારોને બચાવવાનો જશ અદાલતને જાય છે, સેબીને નથી જતો.

DLFના અધ્યક્ષ કે. પી. સિંહનો બચાવ મજેદાર છે. તેઓ કહે છે કે તેઓ ૮૫ વર્ષના વૃદ્ધ છે, કાયદાની આંટીઘૂંટી બહુ સમજી શકતા નથી એટલે વકીલો અને મર્ચન્ટ બૅન્કરોની સલાહ મુજબ તેઓ ચાલતા હતા. જો ૮૫ વર્ષે દિમાગ ન ચાલતું હોય તો તેમણે શૅરહોલ્ડરોની માલિકીની પબ્લિક લિમિટેડ કંપનીમાંથી નવિૃત્ત થઈ જવું જોઈએ. બીજું, પબ્લિક ઇશ્યુ બજારમાં આવ્યો ત્યારે ૧૯૩૧માં જન્મેલા કે. પી. સિંહ ૭૬ વર્ષના હતા. ત્રીજું, તેમનો પુત્ર અને પુત્રી તેમ જ DLFના ઉપાધ્યક્ષ રાજીવ સિંહ અને પિયા સિંહ યુવાન છે અને સેબીના આદેશ મુજબ તેઓ પણ છેતરપિંડીમાં ગુનેગાર છે. શું તેમનું દિમાગ પણ થાકી ગયું છે?

આ સરસ છેતરપિંડી છે જે રીતે સહારા ઇન્ડિયાએ લાખો ભારતીય રોકાણકારો સાથે કરી હતી. કે. પી. સિંહને પણ તિહાડ જેલમાં મોકલી આપવા જોઈએ જ્યાં સહારાશ્રી સુબ્રતો રૉય તેમને લાયક કંપની માટે ઝંખી રહ્યા છે. જોકે તાત્કાલિક આમ થવાનું નથી. દૂરના ભવિષ્યમાં આમ બનશે એની પણ કોઈ ખાતરી નથી. ટ્રિબ્યુનલથી લઈને સર્વોચ્ચ અદાલત સુધીની અપીલોનો લાંબો દોર શરૂ થશે અને ત્યાં સુધીમાં ગુનેગાર કે. પી. સિંહ સાથે અનેક નર્દિોષ રોકાણકારોનું જીવન પૂરું થઈ જશે. આ તો હૈયાધારણા છે ભારતમાં ગુનો કરવાની.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK