મલાડમાં જ્વેલર્સને ત્યાં ઘરફોડી

Published: 13th October, 2011 20:14 IST

મલાડ (ઈસ્ટ)માં રાણી સતી માર્ગ પર આવેલા ગિની અપાર્ટમેન્ટના ગ્રાઉન્ડ ફ્લોર પરની રાધિકા જ્વેલર્સમાં ઘરફોડી થઈ હોવાની જાણ ગઈ કાલે વહેલી સવારે દુકાનના માલિકને થઈ હતી. અંદાજે બાર લાખ રૂપિયાનાં સોના-ચાંદીનાં ઘરેણાંની ચોરી થઈ હતી. દિંડોશી પોલીસને આ બાબતે જાણ કરતાં ઘરફોડીનો ગુનો નોંધવામાં આવ્યો હતો.



આ વિશે દિંડોશી પોલીસ-સ્ટેશનના સિનિયર ઇન્સ્પેક્ટર વિનાયક કાકડેએ ‘મિડ-ડે’ને કહ્યું હતું કે ‘ગઈ કાલે સવારે આઠ વાગ્યે દુકાનના માલિક મુકેશ જૈને દુકાન ખોલી ત્યારે ઘરેણાં વેરવિખેર પડેલાં હતાં. ફૉરેન્સિક એક્સપર્ટ અને ડૉગ-સ્ક્વૉડની મદદથી પોલીસે તપાસ હાથ ધરી હતી.

કુલ મળીને ૧૨ લાખ રૂપિયાનાં સોના-ચાંદીનાં ઘરેણાંની ચોરી થઈ હોવાનું તપાસ બાદ જાણવા મળ્યું હતું.’

વિનાયક કાકડેએ વધુમાં જણાવ્યું હતું કે ‘આ કેસમાં દુકાનમાં કામ કરતા નોકર ૧૯ વર્ષના દિલીપ પ્રજાપતિનો હાથ હોવાનું લાગી રહ્યું છે, કારણ કે ઘટના બની ત્યારથી તે ગાયબ થઈ ગયો છે. તેને પોલીસ શોધી રહી છે.’
Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK