Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > અદ્ભુત, અનુપમ જિનમૂર્તિઓનાં દર્શન કરવાનો લહાવો લેવો છે? ચલો કુમારભાઈના દેરાસરમાં

અદ્ભુત, અનુપમ જિનમૂર્તિઓનાં દર્શન કરવાનો લહાવો લેવો છે? ચલો કુમારભાઈના દેરાસરમાં

14 September, 2012 05:44 AM IST |

અદ્ભુત, અનુપમ જિનમૂર્તિઓનાં દર્શન કરવાનો લહાવો લેવો છે? ચલો કુમારભાઈના દેરાસરમાં

અદ્ભુત, અનુપમ જિનમૂર્તિઓનાં દર્શન કરવાનો લહાવો લેવો છે? ચલો કુમારભાઈના દેરાસરમાં



‘કુમારભાઈનું દેરાસર’ તરીકે પ્રખ્યાત આ સ્વર્ણમંદિર જેમ કુમારપાળ મહેતાનું છે એમ અહીં રાખવામાં આવેલી અદ્વિતીય પ્રતિમાઓ પણ કુમારભાઈના અંગત કલેક્શનમાંની જ છે. ૧૦ ઇંચથી ૩ ફૂટની ૪૦૦ જેટલી અમાપ સુંદર મૂર્તિઓ કુમારભાઈ પાસે છે. દેશી-વિદેશી પથ્થરો અને અલભ્ય રત્નોમાંથી બનેલી આ દરેક મૂર્તિનાં ફેસ-ફીચર્સ પણ આંખોને તૃપ્ત કરી અંતરને આનંદિત કરી દે છે, કારણ કે કુમારભાઈ જાતે પાષાણ ખરીદીને પછી સ્પેશ્યલ કારીગરો પાસેથી પોતાને જોઈએ એવી મૂર્તિઓ ઘડાવે છે. માટે જ દરેક પ્રતિમાની અલગ-અલગ વિશિષ્ટતાઓ છે. ઈ.સ. ૨૦૦૫થી દર વર્ષે જૈનોના ધાર્મિક પર્વ પયુર્ષણમાં જ આ પ્રતિમાઓને દર્શનાર્થે મૂકવામાં આવે છે. આવી મૂલ્યવાન મૂર્તિઓ બનાવડાવવા વિશે કુમારભાઈ કહે છે, ‘જેમ લોકોને ફરવા જવાનો, ખાવા-પીવાનો, પહેરવા-ઓઢવાનો શોખ હોય એમ મને મારા પ્રભુની પ્રતિમા બનાવવાનો શોખ છે અને પ્રભુના ગુણવૈભવ સામે આ મોંઘા પથ્થરોનું શું મૂલ્ય ગણાય? મારી ભાવના એ છે કે હું મારી ક્ષમતા મુજબ સુંદર-અતિસુંદર દ્રવ્યોથી મૂર્તિનું નર્મિાણ કરું.’

દરેક વખતે અલગ-અલગ મૂર્તિઓ મૂકતા કુમારભાઈનો હેતુ એ છે કે આવી પ્રતિમાઓ જોઈને ભાવકોને પ્રભુભક્તિ કરવાની પ્રેરણા મળે અને ધર્મભાવ જાગ્રત થાય. આ અદ્ભુત પ્રતિમાઓ સાથે આ જિનાલયમાં દરરોજ અલગ-અલગ પ્રકારની આંગી પણ રચાય છે. એમાં આ વર્ષે તેમણે નવગ્રહના નવ અસલી નંગોની આંગીઓ બનાવડાવી છે; જે અંતર્ગત પન્ના, માણેક, હીરા, પોખરાજ, લસણિયો, મોતી, ગોમેદ, પરવાળા, બ્લુ સૅફાયર, પીરોજ જેવા સાચા નગીનાઓથી દેરાસરના મૂળનાયક અને નાના ધાતુની પ્રતિમા સહિત ૧૯ ભગવાનોની પરિકર સહિતની અંગરચના કરવામાં આવશે અને એ રંગનાં ફૂલોથી દેવાલયનું સુશોભન કરવામાં આવશે.

- અલ્પા નિર્મલ


Whatsapp-channel Whatsapp-channel

14 September, 2012 05:44 AM IST |

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK