Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ઈન્ટરનેશનલ સમાચાર > આર્ટિકલ્સ > ઝકી-ઉર-રહેમાન લખવી જેલમાં હોવા છતાં એક બાળકનો પિતા બન્યો

ઝકી-ઉર-રહેમાન લખવી જેલમાં હોવા છતાં એક બાળકનો પિતા બન્યો

20 December, 2014 05:30 AM IST |

ઝકી-ઉર-રહેમાન લખવી જેલમાં હોવા છતાં એક બાળકનો પિતા બન્યો

ઝકી-ઉર-રહેમાન લખવી જેલમાં હોવા છતાં એક  બાળકનો પિતા બન્યો






હાફિઝ સઈદ પછીનો લશ્કર-એ-તય્યબાનો બીજા ક્રમનો સર્વોચ્ચ આતંકવાદી ઝકી-ઉર-રહેમાન લખવી રાવલપિંડીની હાઈ-સિક્યૉરિટી અડિયાલા જેલમાં એશોઆરામની જિંદગી જીવી રહ્યો છે. ૨૦૦૮ના મુંબઈ પરના આતંકવાદી હુમલા પછી પકડવામાં આવેલા ઝકી-ઉર-રહેમાન લખવીને જેલમાં ટેરરિસ્ટની જેમ નહીં, પણ સરકારી મહેમાનની જેમ રાખવામાં આવે છે અને માનપાન આપવામાં આવે છે. આટલું ઓછું હોય એમ ઝકી-ઉર-રહેમાન લખવી કારાવાસમાં હતો એ દરમ્યાન એક બાળકનો પિતા પણ બન્યો હતો. 

૧૬૬ લોકોના જીવ લેનારા મુંબઈ પરના ૨૬-૧૧-૨૦૦૮ના આતંકવાદી હુમલાના સહ-આરોપી અબુ જુંદાલે ઉપરોક્ત માહિતી નૅશનલ ઇન્વેસ્ટિગેશન એજન્સીને આપી હતી. સમુદ્રમાર્ગે મુંબઈ પર હુમલો કરવા આવેલા અજમલ કસબ અને નવ અન્ય આતંકવાદીઓને ઝકી-ઉર-રહેમાન લખવી અને ભારતમાં જન્મેલા અબુ જુન્દાલે સાથે મળીને ટ્રેઇનિંગ આપી હતી. અબુ જુન્દાલના જણાવ્યા અનુસાર ઝકી-ઉર-રહેમાન લખવીએ પોતાના લગ્ન અને એ પછી પિતા બન્યાની માહિતી આપવા માટે અબુ જુન્દાલને અડિયાલા જેલમાં બોલાવ્યો હતો. ઝકી-ઉર-રહેમાન લખવી કારાવાસ દરમ્યાન એક બાળકનો પિતા બન્યો હોવાની માહિતી એકદમ ગુપ્ત રાખવામાં આવી છે અને એની જાણ લશ્કર-એ-તય્યબાના સભ્યોને પણ નથી.

અમેરિકન સરકારે પોતાને મળેલી ગુપ્ત માહિતી ભારત સરકારને આપતાં જણાવ્યું હતું કે ઝકી-ઉર-રહેમાન લખવી જેલમાં મોબાઇલ ફોનનો છૂટથી ઉપયોગ કરી શકે છે અને જેલમાં બેઠાં-બેઠાં લશ્કર-એ-તય્યબાનાં આતંકવાદી કૃત્યોનું આયોજન કરતો રહે છે. ઝકી-ઉર-રહેમાન લખવીને પાકિસ્તાની સત્તાવાળાઓ અને ખાસ કરીને ગુપ્તચર એજન્સી ઇન્ટર-સર્વિસિસ ઇન્ટેલિજન્સ તથા લશ્કર દ્વારા સજ્જડ સંરક્ષણ મળી રહ્યું હોવાની માન્યતા નીચે આ હકીકત ઘટ્ટ લીટી દોરે છે. પાકિસ્તાન માટે ઝકી-ઉર-રહેમાન લખવી એટલો બધો મહત્વનો માણસ છે કે હાઈ-સિક્યૉરિટી જેલમાં કેદ રાખવામાં આવ્યો હોવા છતાં એક મિલિટરી કમાન્ડર એનું રક્ષણ કરે છે.


Whatsapp-channel Whatsapp-channel

20 December, 2014 05:30 AM IST |

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK