Janata Curfew: 'આ સમય મરીન ડ્રાઈવની પાળે બેસીને ટાઈમપાસ કરવાનો નથી' મુંબઈ પોલીસ

Updated: Mar 22, 2020, 11:57 IST | Anurag kamble | Mumbai

કોરાન વાયરસના ચેપને રોકવા માટે રાજ્યમાં અત્યારે જનતા કર્ફ્યુ અને લોક ડાઉન હોવાથી પોલીસ જાહેર સ્થળોએ ભીડને કાબુમાં રાખવાના પ્રયત્નો કરી રહી છે

મરીન ડ્રાઈવ
મરીન ડ્રાઈવ

શાળા, કૉલેજો, ધાર્મિક સ્થળો સહિત જાહેર સ્થળો, મૉલ, થિયેટર સહિત મનોરંજનના લગભગ બધા જ ઠામ-ઠેકાણા છેલ્લા અઠવાડિયાથી બંધ હોવાથી મુંબઈગરાંઓ મરીન ડ્રાઈવ, વર્લી સી-ફૅસ, બાંન્દ્રા બૅન્ડસ્ટેન્ડ જેવા સાર્વજનિક સ્થળોએ ફરવા જાય છે. એટલે મુંબઈ પોલીસે આ સ્થળોએ અનાઉન્સમેન્ટ અને કાઉન્સિલિંગ કરીને ભીડ ભેગી ન થવા દેવાનું નક્કી કર્યુઁ છે. કોરોના વાયરસને અટકાવવા માટે 'સૅલ્ફ-આઈસોલેશન' ખુબ જરૂરી છે.

જાહેર સ્થળોએ ભીડ ભેગી ન થાય તેની ખાસ તકેદારી રાખવાની જવાબદારી પોલીસને સોપાઈ છે. જે લોકો આદેશનું ઉલ્લંધન કરશે તેના વિરુધ્ધ પગલા લેવામાં આવશે.

મરીન ડ્રાઈવ, હાજી અલી, વર્લી સી-ફૅસ, બાંન્દ્રા બૅન્ડસ્ટેન્ડ અને કાર્ડર રોડ પર જ્યારે 'મિડડે.કૉમ' એ પરિસ્થિતિનું નિરિક્ષણ કર્યુઁ ત્યારે વૃધ્ધો અને બાળકો જ જોવા મળ્યાં હતા. મોટાભાગના લોકો તાજી હવાનો અનુભવ કરવા અથવા તો કસરત કરવા નીકળ્યા હતા. પરંતુ તેમણે વિચાર નહીં કર્યો હોય કે બાળકો અને વૃધ્ધોને જ કોરોના વાયરસનો ચેપ લાગવાની વધુ શક્યતા છે.

આજે જનતા ક્ફર્યુ અને 31 માર્ચ સુધી રાજ્યમાં કોઈપણ પ્રકારની હિલચાલ નહીં કરવાના આદેશનું લોકો યોગ્ય રીતે પાલન ન કરતા હોવાથી પોલીસે પગલા લેવાની જરૂરૂ પડી છે. એક વરિષ્ઠ પોલીસ અધિકારીએ કહ્યું હતું કે, ફક્ત સ્થાનિકો જ નહીં પણ કલ્યાણ અને થાણેથી પણ લોકો મરીન ડ્રાઈવનો આ ભાગ્યે જ જોવા મળતો નજારો જોવા આવી રહ્યાં છે. વરિષ્ઠ નાગરિકો પોતાના ખાનગી વાહનો લઈને પણ બહાર નીકળી રહ્યાં છે. એટલે આ સ્થળોએ અમે જાહેરાત કરવાનું શરૂ કર્યું છે. જેથી લોકોને આ બાબતની ગંભીરતાને સમજે. અમારી અનાઉન્સમેન્ટ બાદ પણ જો ભીઢ દેખાશે તો તે લોકો વિરુધ્ધ કાયદાકીય પગલા લેવામાં આવશે

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK