વડાપ્રધાન મોદી અને રાષ્ટ્રપતિ હવે આ વિમાનમાં પ્રવાસ કરશે

Published: 2nd October, 2020 21:03 IST | Gujarati Mid-day Online Correspondent | Mumbai

બોઈંગ 777-3000 ઈઆર એરક્રાફ્ટમાં વીવીઆઈપી સ્યુટ, બે કોન્ફરન્સ રૂમ, એક પ્રેસ બ્રિફિંગ રૂમ, મેડિકલ રૂમ અને જેમર્સ સમાવિષ્ટ સિક્યોર કમ્યુનિકેશન્સનો સમાવેશ છે

તસવીર સૌજન્યઃ ઈન્ડિયા ટુડે અને ટ્વીટર
તસવીર સૌજન્યઃ ઈન્ડિયા ટુડે અને ટ્વીટર

ભારતમાં મોડિફાઈડ ‘એર ઈન્ડિયા વન’નો પ્રવેશ થયો છે, જેમાં વડા પ્રધાન નરેન્દ્ર મોદી, દેશના રાષ્ટ્રપતિ તેમ જ ઉપ-રાષ્ટ્રપતિ પ્રવાસ કરશે.

ભારત સરકારે બે રેટ્રોફીટેડ બોઈંગ 777-3000 ઈઆર એરક્રાફ્ટનો ઓર્ડર આપ્યો હતો, જે દિલ્હી એરપોર્ટમાં પ્રવેશ્યા છે. જુલાઈ મહિનામાં જ આ વિમાનોની ડિલિવરી થવાની હતી પરંતુ કોરોના મહામારીને લીધે વિલંબ થયો હતો.

air india one

બોઈંગ 777-3000 ઈઆર એરક્રાફ્ટમાં વીવીઆઈપી સ્યુટ, બે કોન્ફરન્સ રૂમ, એક પ્રેસ બ્રિફિંગ રૂમ, મેડિકલ રૂમ અને જેમર્સ સમાવિષ્ટ સિક્યોર કમ્યુનિકેશન્સનો સમાવેશ છે.

આ પહોળા વિમાનમાં મિસાઈલ ડિફેન્સ અને ડિસ્પેન્સિંગ ડિફેન્સ સિસ્ટમ છે, જેમાં મોટા એરક્રાફ્ટ ઈન્ફ્રારેડ કાઉન્ટરમેઝર્સ (LAIRCM) સેલ્ફ પ્રોટેક્શન સ્યુટ્સ છે. હવામાં ને હવામાં જ ઈંધણ પુરી શકાય એવી સુવિધા પણ આ વિમાનમાં છે.

modified air india one

બોઈંગ 747ની બદલે આ નવા બી777 સ્થાન લેશે, જેમાં દેશના અગ્રણીઓ પ્રવાસ કરશે. અમેરિકાના પ્રેસિડેન્ટનું અધિકૃત વિમાન ‘એર ફોર્સ’ છે એવી જ રીતે ભારત પાસે હવે આવા પ્રકારનું વિમાન છે.

પ્રારંભમાં ભારતીય વાયુ સેનાના પાઈલેટ્સ એર ઈન્ડિયાના પાઈલેટ્સ સાથે મળીને આ વિમાન ફ્લાય કરશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK