છીંકો ખાઈને કોરોના ફેલાવવાની અપીલ કરનાર ઈન્ફોસિસના કર્મચારીની ધરપકડ
આઇટી કંપની ઇન્ફોસિસે કોરોના મહામારીને લઇને ફેસબુક પર મજાક કરતી પોસ્ટ કરવા પર એક એન્જિનિયરને નોકરીમાંથી કાઢી નાખ્યો હતો. એન્જિનિયર મુજીબ મોહમ્મદે પોસ્ટ કર્યું હતું કે આવો આપણે સાથે આવીએ, લોકો વચ્ચે જઇને છીંકો. વાઇરસ ફેલાવો. ત્યારબાદ મુજીબની ઓળખ ઇન્ફોસિસ કર્મચારી તરીકે થઇ હતી અને કંપનીએ તેની વિરુદ્ધ કાર્યવાહી કરી હતી. સોશિયલ મીડિયામાં સંક્રમણ ફેલાવવાની વાત કરવા પર તેની ધરપકડ પણ કરવામાં આવી છે.
ઇન્ફોસિસે ટ્વીટ કર્યું- અમે અમારા એક કર્મચારીની પોસ્ટની તપાસ કરી લીધી છે. તેની પોસ્ટ કંપનીના નિયમો અને સામાજિક પ્રતિબદ્ધતા વિરુદ્ધ છે. આવી પ્રવૃત્તિઓ સામે અમારી ઝીરો ટોલરન્સ પોલિસી છે. તેને નોકરીમાંથી હટાવી દેવામાં આવ્યો છે.
