અચાનક જ આ દેશની હવા થઈ લાલ રંગની ! જુઓ વીડિયો
Image Courtesy:BBC
સોશિયલ મીડિયા પર ઈન્ડોનેશિયાનો એક વીડિયો વઆીરલ થયો છે, જેમાં દેખાય છે કે અચાનક જ ઈન્ડોનેશિયામાં આકાશનો રંગ મંગળની જેમ કેસરી કેસરી થઈ ગઈ. એટલે સુધી કે જ્યાં જ્યાં નજર કરો ત્યાં ઘાટ્ટો કેસરી રંગ જ દેખાતો હતો. BMKG એજન્સીએ પણ સેટેલાઈટ ઈમેજ દ્વારા આ ઘટનાના ફોટોઝ જાહેર કર્યા છે. પહેલી નજરે જોવામાં તો કોઈ ફિલ્મની સ્પેશિયલ ઈફેક્ટ લાગે છે, પરંતુ લોકોનું કહેવું છે કે ફક્ત હવા જ ઘાટ્ટા કેસરી રંગની નહોતી થઈ, તેની સાથે સાથે આંખો બળવા લાગી હતી તો ગળામાં પણ દર્દ થતું હતું.
ઈન્ડોનેશિયાના હવામાન વિભાગના અધિકારીઓનું કહેવું છે કે આગને કારણે ધૂમાડો નીકળવાથી આવું થયું છે. જેની સૌથી મોટી અસર ઈન્ડોનેશિયાના જાંબી વિસ્તારમાં થઈ છે. અહીં રહેતા લોકો વીડિયો અને ફોટોઝ સોશિયલ મીડિયા પર પોસ્ટ કરી રહ્યા છે.
ADVERTISEMENT
ટ્વિટર યુઝર જૂની શોફી યતુન નિશાને પણ પોતાના હેન્ડલ પરથી આવો એક વીડિયો શૅર કર્યો છે. વીડિયો શૅર કરવાની સાથે તેણે લખ્યું છે,'આ મંગળ નથી, જાંબી છે. અમારે જીવતા રહેવા માટે તાજી હવાની જરૂર છે, ઝેરીલા ધુમાડાની નહીં.'
Ini sore bukan malam. Ini bumi bukan planet mars. Ini jambi bukan di luar angkasa. Ini kami yang bernafas dengan paru-paru, bukannya dengan insang. Kami ini manusia butuh udara yang bersih, bukan penuh asap.
— Zuni Shofi Yatun Nisa (@zunishofiyn) September 21, 2019
Lokasi : Kumpeh, Muaro Jambi #KabutAsap #KebakaranHutanMakinMenggila pic.twitter.com/ZwGMVhItwi
કેમ અચાનક લાલ રંગ ફેલાયો ?
ઈન્ડોનેશિયાના હવામાન વિભાગના અધિકારીઓનું કહેવું છે કે લાલ રંગ જંગલમાં ફેલાયેલી આગને કારણે છે. ઈન્ડોનેશિયામાં છેલ્લા 8-9 મહિનાથી જંગલોમાં ક્યાંકને ક્યાંક આગ લાગી રહી છે. બીબીસીના રિપોર્ટ પ્રમાણે અહીં 3,28,724 હેક્ટર વિસ્તારમાં આગ લાગી ચૂકી છે. આ લાલ રંગ એ જ આગના ધૂમાડાની અસર છે.
હવામાન વિભાગે ગણાવ્યું રેલે સ્કૈટરિંગ
હવામાન વિભાગ પ્રમાણે આ ઘટનાને રેલે સ્કેટરિંગ કહેવાય છે. જેને કારણે પ્રકાશના કિરણો ફેલાવાથી રંગ ફેલાય છે. આકાશનો રંગ ત્યારે ત્યારે બદલાય છે, જ્યારે ધૂમાડામાં રહેલા પાર્ટિકલ્સ પર વધુ પ્રકાશ પડે. એટલે કે આ પાર્ટિકલ્સ પર સૂરજના કિરણ પડે અને તે રિફ્લેક્ટ થાય તો આવી ઘટના બને છે
