મેં પહેલાં તેને ગૂંગળાવ્યો, પછી ધગધગતી સાણસી વડે તેનું શિશ્ન સળગાવી નાખ્યું

મેં પહેલાં તેને ગૂંગળાવ્યો, પછી ધગધગતી સાણસી વડે તેનું શિશ્ન સળગાવી નાખ્યું

ADVERTISEMENT

ટીનેજરના પિતા

જીવલેણ બળાત્કાર : રેપનો ભોગ બનેલી ટીનેજર

આરોપી

પોતાની ૧૪ વર્ષની વયની દીકરી પર બળાત્કાર કરનારને દિલ્હીના ખજૂરી ખાસ વિસ્તારમાં રહેતા એ છોકરીના પિતાએ ભયાનક સજા કરી હતી. બળાત્કારને કારણે છોકરી પ્રેગ્નન્ટ થઈ હતી.

એ છોકરીના ૩૬ વર્ષની વયના પિતાએ આરોપીને પોતાના ઘરે બોલાવ્યો હતો. સ્લીપિંગ પિલ્સ ભેળવેલું ભોજન જમાડ્યા બાદ તેને સુવડાવી દીધો હતો અને પછી ભયાનક યાતના આપીને બળાત્કારીની હત્યા કરી હતી.

વેરની વસૂલાતના પોતાના કૃત્યની વાત કરતાં છોકરીના પિતાએ કહ્યું હતું કે ‘હું તેની હત્યા કરવાનો નહોતો. મેં તેને કહેલું કે મારા ઘર અને જીવનમાંથી દૂર ચાલ્યો જા, પણ તેણે મને ટોણો માર્યો એટલે મને પારાવાર ક્રોધ ચડ્યો હતો અને દિમાગ પરનો કાબૂ ગુમાવી દીધો હતો.’

બળાત્કારીની હત્યા કરતાં પહેલાં છોકરીના પિતાએ તેના ગળાની ફરતે ટુવાલ વીંટાળ્યો હતો અને બળાત્કારીના હાથ બાંધી દીધા હતા. પછી તેને ઢસડીને જમીન પર લાવ્યો હતો અને ગૅસ ચાલુ કરીને સાણસી ચૂલા પર તપાવવા મૂકી હતી.

હત્યાની વિગત આપતાં છોકરીના પિતાએ કહ્યું હતું કે ‘ટુવાલ વડે બળાત્કારીના ગળે ટૂંપો દીધો એમ છતાં તેના શ્વાસ ચાલતા હતા એટલે મેં તેનું ગળું વધુ જોરથી દબાવ્યું અને ધગધગતી સાણસી વડે તેના ગુપ્તાંગને બાળી નાખ્યું હતું. તેણે જોરથી ચીસો પાડી હતી, પણ મેં તેના મોઢામાં ટુવાલ ઠૂંસી દીધો હતો.’

બળાત્કારનો ભોગ બનેલી છોકરી સહિતનાં છ બાળકોના પિતાએ એ પછી બળાત્કારીનું ગુપ્તાંગ બીજી વાર અને ત્રીજી વાર બાળ્યું હતું. થોડી ક્ષણો તરફડિયાં માર્યા બાદ બળાત્કારી ફસડાઈ પડ્યો હતો. ‘મારી દીકરી સાથે તેણે જે કર્યું એનું વેર વાળવા માટે મેં આ કામ કર્યું હતું. તેણે મારી છોકરીનું બાળપણ વીંખી નાખ્યું હતું. બે પરિણીત છોકરીઓનો બાપ બીજાની માત્ર ૧૪ વર્ષની છોકરી સાથે આવું કરી શકે?’ એવો સવાલ છોકરીના પિતાએ કર્યો હતો.

બળાત્કારીની હત્યા કર્યા પછી છોકરીનો પિતા કોલ્ડ ડ્રિન્કની અડધી બૉટલ ગટગટાવી ગયો હતો અને ઘટનાના ત્રણ કલાક પછી પોલીસને શરણે ગયો હતો.

કોણ હતો બળાત્કાર કરનાર?

બળાત્કારી છોકરીના પિતાના ઘરમાં ભાડૂત તરીકે રહેતો હતો અને બે પરિણીત છોકરીનો પિતા હતો. મકાનમાલિકની છોકરી ઘરે એકલી હોય ત્યારે તેણે વારંવાર તેના પર રેપ કર્યો હતો. રેપની વાત કોઈને કરશે તો છોકરીને મારી નાખવાની ધમકી પણ તે આપતો હતો. પ્રેગ્નન્સીનાં લક્ષણ જણાવા લાગ્યાં ત્યારે છોકરીએ પોતાના પિતાને આ વાત કરી હતી. આબરુ જવાની બીકે છોકરીના પિતાએ બે મહિના સુધી આ કિસ્સો દબાવી રાખ્યો હતો.