ઇટાલિયન ટાઉનમાં 500 ઘર 77 રૂપિયામાં વેચાવા નીકળ્યાં
ગામનાં લગભગ ૫૦૦ ઘર ખાલી પડ્યાં
યુવાનો ઊંચી લાઇફ-સ્ટાઇલ માટે ગામડાં છોડીને શહેરમાં વસવાટ કરવા લાગ્યા હોવાની સમસ્યા ભારતની જેમ ઇટલીમાં પણ છે. ઇટલીમાં તો સિસિલી શહેર પાસેનું મુસોમેલી ગામ ઑલમોસ્ટ ખાલી થવા આવ્યું છે. ગામનાં લગભગ ૫૦૦ ઘર ખાલી પડ્યાં છે. સ્થાનિક ઑથોરિટીએ ગામને નિર્જન થતું બચાવવા માટે ખાલી પડેલાં ઘરોને સસ્તામાં વેચવાની સ્કીમ બહાર પાડી છે. અલગ-અલગ સાઇઝ અને શેપનાં ઘરોની કિંમત માત્ર એક યુરો એટલે કે ૭૭ રૂપિયા રાખવામાં આવી છે. અલબત્ત, એ સાથે કેટલીક શરતો છે. પહેલી શરત એ કે ઘર ખરીદનારે ૮૦૦૦ ડૉલર એટલે કે લગભગ ૫.૫૫ લાખ રૂપિયા ડિપોઝિટપેટે ટાઉન ઑથોરિટી પાસે જમા કરાવવા પડશે.
આ પણ વાંચો : વર્કઆઉટ પૅન્ટમાં એક ફુટનો મગર છુપાવીને જતી મહિલા પકડાઈ
ADVERTISEMENT
બીજી શરત એ કે ઘર ખરીદ્યાનાં ત્રણ જ વર્ષમાં તેમણે ઘરનું રિનોવેશન કરવું ફરજિયાત છે. રિનોવેશનમાં પણ ટાઉનના નિયમોનું પાલન જરૂરી છે. જો નિયમોમાં કોઈ ભૂલ કરી અથવા તો રિનોવેશન ત્રણ વર્ષમાં ન કરાવ્યું તો ઘર ખાલી કરી દેવું પડશે અને ડિપોઝિટ પણ જપ્ત થઈ જશે. ટાઉન ઑથોરિટીના અંદાજ મુજબ રિનોવેશનનો ખર્ચ લાખો રૂપિયામાં થશે. આ જ કારણસર ૭૭ રૂપિયામાં મળતાં ઘરો ખરીદવામાં લોકો ખચકાઈ રહ્યા છે.
