Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ગુજરાત સમાચાર > આર્ટિકલ્સ > ગીરમાં સિંહના ટોળાએ રસ્તો રોકતાં ઍમ્બ્યુલન્સમાં જ કરાવી યુવતીની પ્રસૂતિ

ગીરમાં સિંહના ટોળાએ રસ્તો રોકતાં ઍમ્બ્યુલન્સમાં જ કરાવી યુવતીની પ્રસૂતિ

22 May, 2020 10:02 AM IST | Mumbai Desk
Agencies

ગીરમાં સિંહના ટોળાએ રસ્તો રોકતાં ઍમ્બ્યુલન્સમાં જ કરાવી યુવતીની પ્રસૂતિ

પ્રતીકાત્મક તસવીર

પ્રતીકાત્મક તસવીર


એશિયાટિક સિંહો માટે જાણીતા ગીરના જંગલથી એક અનોખી ઘટના સામે આવી છે. આ ઘટના વાંચીને તમે પણ અચંબિત થઈ જશો. જિલ્લાના ગીર ગઢડામાં રસ્તા પર સિંહનું ટોળું હોવાથી ગર્ભવતી યુવતીને લઈને જતી ૧૦૮ ઍમ્બ્યુલન્સ અટવાઈ પડી હતી, જેને કારણે યુવતીને ઍમ્બ્યુલન્સમાં જ પ્રસૂતિ કરાવવી પડી હતી. મળતી વિગતો પ્રમાણે ગીર ગઢડાની ૧૦૮ ઍમ્બ્યુલન્સને રાત્રે ૧૦.૨૦એ તાલુકાના ભાખા ગામથી ૩૦ વર્ષની અફસાનાબહેનને પ્રસૂતિની પીડા માટે કૉલ આવ્યો હતો. આ પછી ગીર ગઢડાની ૧૦૮ એ પ્રસૂતાને લેવા જતી હતી અને ત્યાંથી લઈને તેમને ગીર ગઢડાના સરકારી દવાખાને જવાનું હતું. અચાનક જ રસુલપરા પાટિયા પાસે પહોંચ્યા ત્યાં રસ્તામાં ૪ સિંહનું ટોળું બેઠું હતું જેને કારણે ઍમ્બ્યુલન્સ ત્યાં જ રોકવી પડી હતી અને અંદર પ્રસૂતિની પીડાવાળા દરદીને દુખાવો વધવા લાગ્યો અને ૧૦૮માં અંદર રહેલા ઇમર્જન્સી સ્ટાફ ઈએમટી જગદીશ મકવાણા અને પાઇલટ ભરતભાઈ આહિર દ્વારા ઍમ્બ્યુલન્સમાં ડિલિવરી જ કરાવી દીધી હતી અને બેબીનો જન્મ થયો હતો. માતા અને બાળકને ઍમ્બ્યુલન્સમાં જરૂરી સારવાર આપી હતી અને ત્યાર બાદ પણ એ ૪ સિંહનું ટોળું ત્યાં જ રોડ પર હતું અને ઍમ્બ્યુલન્સ ફરતે આંટા મારતા હતા. ૨૦ મિનિટ બાદ એ સિંહનું ટોળું સાઇડમાં જતું રહ્યું અને મહિલાને ગીર ગઢડા હૉસ્પિટલ ખાતે સલામત રીતે લઈ જવામાં આવી હતી.


Whatsapp-channel Whatsapp-channel

22 May, 2020 10:02 AM IST | Mumbai Desk | Agencies

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK