એકતા કપૂરની કંપની પરના દરોડામાં ITને ૧૫ કરોડનાં બોગસ બિલો મળ્યાં
આ ઉપરાંત જુહુમાં આવેલા તેમના બંગલામાંથી ૨૦ કરોડ રૂપિયાની જ્વેલરી પણ મળી આવી હતી. બોગસ બિલો ખર્ચ વધારે બતાવીને આવક ઓછી બતાવી ટૅક્સની ચોરી કરવા માટે બનાવવામાં આવ્યાં હોવાનો દાવો ઇન્કમ-ટૅક્સ ડિપાર્ટમેન્ટના અધિકારીઓએ કર્યો છે. જેમની પાસેથી આ બિલો લેવામાં આવ્યાં છે તેમનાં સ્ટેટમેન્ટ પણ લેવામાં આવશે. તેમનાં ચાર જેટલાં બૅન્ક-લૉકર્સનો કબજો પણ ઇન્કમ-ટૅક્સ ડિપાર્ટમેન્ટે લીધો છે. એમાંથી પણ ઘણી કીમતી વસ્તુઓ તથા માહિતી મળશે એમ અધિકારીઓનું માનવું છે.
