બર્થ-ડે પાર્ટીમાં અજાણ્યા યુવાન સાથે ડાન્સ કર્યો એટલે મિસ હૉન્ડુરસ અને તેની બહેનની હત્યા

Published: 21st November, 2014 05:58 IST

મિસ વર્લ્ડ સ્પર્ધામાં ભાગ લેવા જઈ રહેલી મિસ હૉન્ડુરસ મારિયા જોસ અલ્વારાડો અને તેની બહેન સોફિયા ટ્રિનિદાદ અલ્વારાડોનું અપહરણ કરીને બન્ને બહેનોની હત્યા કરનારાને પોલીસે ગઈ કાલે શોધી કાઢ્યો હતો. સોફિયાના બૉયફ્રેન્ડ પ્લુટાર્કો રુઇઝે બન્ને બહેનોની હત્યા કરી હતી. ૧૩ નવેમ્બરે બન્ને બહેનો લંડન જવા પહેલાં એક પાર્ટીમાં ગઈ હતી અને ત્યાંથી તેમનું અપહરણ કરવામાં આવ્યું હતું.




પોલીસે કરેલી પૂછપરછમાં પ્લુટાર્કો રુઇઝે કબૂલાત કરી હતી કે તેણે બન્ને બહેનોની હત્યા કરી હતી. સોફિયાએ એક બર્થ-ડે પાર્ટીમાં કોઈ અજાણ્યા યુવાન સાથે ડાન્સ કર્યો હતો. એથી પ્લુટાર્કો રુઇઝ નારાજ થયો હતો અને તેણે સોફિયાની હત્યા કરી નાખી હતી. એ જોઈને ગભરાયેલી મારિયા જોસ નાસી રહી હતી ત્યારે પ્લુટાર્કો રુઇઝે તેની પણ હત્યા કરી હતી.

પ્લુટાર્કો રુઇઝે આપેલી માહિતીને આધારે પોલીસે રાજધાની તેગુલિગલ્પાથી ૧૮૦ કિલોમીટર દૂર આવેલા સૅન્ટા બાર્બરાના કેબ્લોટાલેસ ગામ નજીકના વિસ્તારમાંથી બન્ને બહેનોની દાટી દેવામાં આવેલી ડેડ-બૉડી શોધી કાઢી હતી. પોલીસે હત્યા કરવા માટે વપરાયેલું શસ્ત્ર અને બન્ને બહેનોની ડેડ-બૉડીને કેબ્લોટાલેસ સુધી લઈ જવા માટે વાપરવામાં આવેલી કાર પણ જપ્ત કરી હતી. હૉન્ડુરસ સેન્ટ્રલ અમેરિકાનો એક દેશ છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK