ગુડ ન્યૂઝઃ દશેરા બાદ મહારાષ્ટ્રમાં જીમ શરૂ
ફાઈલ તસવીર
મહારાષ્ટ્રના નાગરિકો માટે આજે એક સકારાત્મક સમાચાર આવ્યા છે. મુખ્ય પ્રધાન ઉદ્ધવ ઠાકરેએ જણાવ્યું કે, દશેરા બાદ જીમ અને ફીટનેસ સેન્ટર શરૂ કરી શકાશે. જોકે આમાં ફરજિયાતપણે સ્ટાન્ડર્ડ ઓપરેશન પ્રોસીજર (એસઓપી)નું પાલન કરવું પડશે. આમ ઑક્ટોબરના છેલ્લા અઠવાડિયાથી માર્ચ મહિનાથી બંધ પડેલા જીમ ફરી ખૂલશે.
અનલોકમાં મહારાષ્ટ્ર સરકારે પહેલા જીમને શરૂ કરવાની મનાઈ ફરમાવતા જીમ માલિકો નારાજ હતા. જોકે મુખ્ય પ્રધાને કહ્યું છે કે, દરેક એસઓપીનું ફરજિયાત પાલન કરવું પડશે.
ADVERTISEMENT
ગઈ કાલે જ મુંબઈની લાઈફલાઈન ગણાતી લોકલ ટ્રેનમાં દરેક મહિલાઓને પ્રવાસ કરવાની મંજૂરી મહારાષ્ટ્ર સરકારે આપી હતી. તેમ જ બિઝનેસ-ટુ-બિઝનેસ એક્ઝીબિશન તબક્કાવાર શરૂ થશે. મોનોરેલ 17 ઑક્ટોબરથી શરૂ થઈ છે તેમ જ મુંબઈ મેટ્રો 19 ઑક્ટોબરથી શરૂ થશે.
