કે. લાલ પોતાની ચોથી પેઢીને ઇન્ટ્રોડ્યુસ કરશે

Published: 2nd November, 2011 20:02 IST

અમદાવાદ: વિશ્વવિખ્યાત મૅજિશ્યન કે. લાલની ચોથી પેઢી પણ હવે રોમાંચક મૅજિક બતાવવા તૈયાર થઈ રહી છે. કાંતિલાલ વોરા ઉર્ફે કે. લાલે ‘મિડ-ડે’ને કહ્યું હતું કે આવતા વર્ષે મારા પ્રપૌત્ર વિહાનને ઇન્ટ્રોડ્યુસ કરવામાં આવશે.



અમદાવાદમાં કર્ણાવતી ક્લબમાં ગઈ કાલથી સંમોહનમ્ - ૨૦૧૧ નામનું નૅશનલ મૅજિક કન્વેન્શન યોજવામાં આવ્યું છે. એમાં દેશભરમાંથી ૪૦૦થી વધુ મૅજિશ્યનોનો મેળાવડો યોજાયો છે. આ કન્વેન્શન દરમ્યાન જુનિયર કે. લાલનું અવૉર્ડ આપીને સન્માન કરવામાં આવ્યું હતું ત્યારે કે. લાલે આ તબક્કે એ અવૉર્ડ તેમના પૌત્ર વિહાનને આપ્યો હતો.

કે. લાલે કહ્યું હતું કે ‘હસુભાઈના એટલે કે જુનિયર કે. લાલના દીકરાનો દીકરો પાંચ વર્ષનો વિહાન મૅજિક સારું જાણે છે. તે અમારું નામ રાખશે. કે. લાલની ચોથી પેઢી તૈયાર થઈ ગઈ છે. અમારા મૅજિકના પ્રોગ્રામ જોઈને વિહાનમાં એની સ્ટાઇલ આવી ગઈ છે. જુનિયર કે. લાલ તેને મૅજિક શીખવાડે છે. આવતા વર્ષે વિહાનને ઇન્ટ્રોડ્યુસ કરવામાં આવશે.’

વિહાનના પિતા પ્રેયસ વોરાએ ‘મિડ-ડે’ને કહ્યું હતું કે ‘વિહાનને જાદુમાં બહુ જ રસ છે. મેં માર્ક કર્યું છે કે તે સ્ટેજ પર ઘણી વખત જાય છે, પણ તેને સ્ટેજ-ફિયર નથી. તેને મૅજિકમાં બહુ જ રસ છે. જોકે મને આટલો રસ મૅજિકમાં નહોતો એટલે હું આજે કેમિકલ એન્જિનિયર છું. મારા દાદા કે. લાલ માટે મને પ્રાઉડ છે. જોકે હું જાદુગીરી જાળવી નથી શક્યો એનું મને દુ:ખ છે, પણ આ કળામાં ડિવોશન જોઈએ.’
Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK