વડોદરામાં નવા વર્ષની ઉજવણીમાં ટૂંકા વસ્ત્રો પહેરીને જશો તો થશે જેલ!

Updated: 27th December, 2018 18:42 IST

વડોદરા પોલીસે નવા વર્ષની ઉજવણી માટે ડ્રેસ કોડ જાહેર કરવામાં આવ્યો છે. વડોદરા પોલીસે જાહેરનામું બહાર પાડ્યું છે, જો તેનો ભંગ થશે તો જેલમાં પણ જવું પડશે.

નવા વર્ષની ઉજવણી માટે વડોદરા પોલીસે જાહેર કર્યો ડ્રેસકોડ(પ્રતિકાત્મક તસ્વીર)
નવા વર્ષની ઉજવણી માટે વડોદરા પોલીસે જાહેર કર્યો ડ્રેસકોડ(પ્રતિકાત્મક તસ્વીર)

હવે નવા વર્ષની ઉજવણીમાં કેવા વસ્ત્રો પહેરીને જવું તે પણ વડોદરા પોલીસ નક્કી કરશે. વડોદરા પોલીસ કમિશ્નર અનુપમસિંહ ગેહલોતે જાહેરનામું બહાર પાડીને નવા વર્ષની પાર્ટીઓમાં યુવતીઓને ટૂંકા, તંગ, ચુસ્ત અને ભડકાઉ કપડા ન પહેરવા સૂચના આપવામાં આવી છે. સાથે એવી પણ ચેતવણી આપવામાં આવી છે કે જો ક્યાંય યુવક-યુવતી આપત્તિજનક સ્થિતિમાં બેસેલા જણાશે તો પોલીસ તેમને પકડી શકે છે.

નવું વર્ષ મનાવવાની તૈયારી કરી રહેલી વડોદરાની યુવતીઓને પોલીસે ચેતાવી છે કે ટૂંકા વસ્ત્રો પહેરીને નવા વર્ષની પાર્ટીમાં સામેલ થશે તો તેમની સામે કાર્રવાઈ થઈ શકે છે. પોલીસ કમિશ્નર અનુપમ સિંહ ગેહલોતે પરિપત્ર જાહેર કરીને યુવતીઓને ટૂંકા વસ્ત્રો ન પહેરવા સલાહ આપી છે. સાથે જ યુવક યુવતી આપત્તિજનક સ્થિતિમાં જોવા મળશે તો પણ તેમની સામે કાર્રવાઈ કરવાની ચીમકી આપવામાં આવી છે.

પોલીસે પાર્ટીઓના આયોજક, હોટેલ, પાર્ટી પ્લોટ અને રેસ્ટોરેંટને ન્યૂ યરની પાર્ટીના સ્થળ પર સીસીટીવી લગાવવાના નિર્દેશો આપ્યા છે, જેથી નવા વર્ષની પાર્ટી પર નજર રાખી શકાય.

First Published: 27th December, 2018 14:38 IST
Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK