ગુજરાત વિધાનસભાની ચૂંટણી: અત્યારસુધીમાં 34 ટકા મતદાન
ફાઈલ ફોટો
ગુજરાત વિધાનસભાની ખાલી પડેલી આઠ બેઠક માટે આજે સવારે 7 વાગ્યાથી મતદાન શરૂ થઈ ગયું છે. બપોરે 1 વાગ્યા સુધીમાં 34 ટકા મતદાન થયું છે. વડાપ્રધાન નરેન્દ્ર મોદી અને ગુજરાતના મુખ્ય પ્રધાન વિજય રૂપાણીએ સોશ્યલ મીડિયાના માધ્યમે લોકોને મતદાન કરવાનું સૂચન આપ્યું હતું.
Today, there are by-polls taking place in various places across India. I urge those voting in these seats to vote in large numbers and strengthen the festival of democracy.
— Narendra Modi (@narendramodi) November 3, 2020
ADVERTISEMENT
બપોરે એક વાગ્યા સુધીમાં સૌથી વધુ મતદાન ડાંગ બેઠક પર 51.54 થયું છે. કચ્છમાં કોરોનાનાં શંકાસ્પદ લક્ષણો ધરાવતા મતદારો માટે વિશેષ વ્યવસ્થા કરાઈ છે. ગઈકાલે જ રાજ્ય ચૂંટણીપંચે તમામ તૈયારીઓ પૂર્ણ કરી દીધી હતી.
ગુજરાત વિધાનસભાની પેટા ચૂંટણી માટે અત્યારે મતદાન થઈ રહ્યું છે, મારી તમામ મતદારોને અપીલ છે કે તેઓ લોકશાહીના આ પર્વને મોટી સંખ્યામાં મતદાન કરીને સફળ બનાવે.
— Vijay Rupani (@vijayrupanibjp) November 3, 2020
મતદાન સોશિયલ ડિસ્ટન્સિંગ સાથે અને માસ્ક પહેરીને જ કરવા સર્વે મતદાતાઓને અપીલ કરું છું.
8 વિધાનસભા બેઠકમાં સમાવિષ્ટ 18.75 લાખ મતદાર પોતાના મતાધિકારનો ઉપયોગ કરીને 80 ઉમેદવારનું ભવિષ્ય નક્કી કરી રહ્યા છે. મતદારો સાંજે 6 વાગ્યા સુધી પોતાના મતાધિકારનો ઉપયોગ કરી શકશે. કોવિડ-19ની ગાઈડલાઈન્સ મુજબ શાંતિપૂર્ણ માહોલમાં મતદાન થાય એ માટે તમામ મતદાન મથક પર પોલીસનો ચુસ્ત બંદોબસ્ત ગોઠવી દેવામાં આવ્યો છે.
રાજ્યમાં અબડાસા, ધારી, લીંબડી સહિતની 8 બેઠક પર વિધાનસભાની પેટાચૂંટણી યોજાઈ રહી છે. એમાં ભાજપ, કોંગ્રેસ, બીટીપી સહિતની પાર્ટીઓ અને અપક્ષ મળીને 80 ઉમેદવાર વચ્ચે જંગ છે.
પહેલા ધારાસભ્યોને ખરીદ્યા અને હવે મતદારોને ખરીદવા નીકળી ભાજપ
— Amit Chavda (@AmitChavdaINC) November 3, 2020
પેજ પ્રભારી, બુથ મેનેજમેન્ટ, વિકાસના બણગાં ફૂંકતી ભાજપ જીતવા માટે હવાતિયાં મારી મતદારોને રોકડ પૈસાથી ખરીદવા નીકળી છે.@CEOGujarat @dgpgujarat ત્વરિત કાર્યવાહી કરે
મતદારોને ખરીદવાની હિંમત કરનારને મતદારો મતથી જવાબ આપશે. pic.twitter.com/umjWBLQvJr
હાલમાં ચાલી રહેલ પેટાચૂંટણીમાં કરજણ બેઠકને લઇને રૂપિયા આપતા વાયરલ વીડિયો મામલે કોઇ ફરિયાદ કરવામાં ન આવી હોવાનું ચૂંટણી પંચે નિવેદન આપ્યું છે.