ગુજરાત:સ્કૂલોની ફી 5થી 10 ટકા વધશે, પણ રિક્ષાભાડામાં 200 રૂપિયાનો વધારો
સ્કૂલોની ફી 5થી 10 ટકા વધશે
રાજ્યભરની શાળાઓમાં આજથી વિધિવત્ ઉનાળુ વેકેશનનો આરંભ થવાની સાથે જ વિદ્યાર્થીઓ અને શિક્ષકોમાં ખુશીની લહેર ફેલાઇ ગઇ છે. પરંતુ શાળાનું વેકેશન ખૂલતા જ વાલીઓને ઝટકો લાગી શકે છે. વાલીઓ પહેલાથી જ પોતાના વિદ્યાર્થીઓની મસમોટી ફીના કારણે પરેશાન છે, ત્યારે હાલ એક માઠા સમાચાર મળી રહ્યાં છે.
શાળાનું વેકેશન ખૂલતા જ વાલીઓને પોતાનાં બાળકોની સ્કૂલ ફીમાં ૫થી ૧૦ ટકા વધવાની શક્યતા દેખાઇ રહી છે. આ સિવાય સ્કૂલ રિક્ષાના ભાડામાં પણ નવા સત્રથી વધારાની શક્યતા દેખાઇ રહી છે. હાલ મળતી માહિતી પ્રમાણે સ્કૂલ ભાડામાં રૂપિયા ૨૦૦નો વધારો થઈ શકે છે સાથે બાળકોની સ્ટેશનરી પણ ૫ ટકા મોંઘી થવાના એંધાણ દેખાઇ રહ્યાં છે.
ADVERTISEMENT
તમને જણાવી દઇએ કે, રાજ્યભરની શાળાઅોમાં આજથી વિધિવત્ ઉનાળુ વેકેશનનો આરંભ થવાની સાથે જ વિદ્યાર્થીઓ અને શિક્ષકોમાં ખુશીની લહેર ફેલાઇ ગઇ છે. શનિવારે ઉત્તરવહી ચકાસણી અને વિવિધ વર્ગોનાં પરિણામની કામગીરી પૂર્ણ કરવાની સાથે જ હવે શિક્ષકો પણ ૩૫ દિવસના વેકેશનની મોજ માણશે. જ્યારે ૧૦ જૂનથી ૨૦૧૯-૨૦નું નવું શૈક્ષણિક સત્ર શરૂ થવાની સાથે જ ફરીવાર શાળા પરિસર ટાબરિયાઓના શોરબકોરથી ગૂંજી ઊઠશે.
આ પણ વાંચો : ગુજરાત: સાવધાન... ત્રણ દિવસ પછી ફરી હીટ વેવ
ગુજરાત રાજ્ય માધ્યમિક-ઉચ્ચતર માધ્યમિક શિક્ષણ બોર્ડના શિડયુલ પ્રમાણે ચાલુ વર્ષે ૬ મેથી ૯ જૂન સુધીનું ૩૫ દિવસનું ઉનાળુ વેકેશન જાહેર કરાયું છે. મોટા ભાગની ખાનગી અને ગ્રાન્ટેડ શાળાઓમાં ૧૫ એપ્રિલ સુધીમાં વાર્ષિક પરીક્ષાઓ પૂર્ણ કરી દેવાઇ હતી. તે સાથે જ વિદ્યાર્થીઅોએ વેકેશનની મોજ માણવાનું શરૂ કરી દીધું હતું.
