વાંસદામાં ૩ની તીવ્રતાના ભૂકંપના આંચકા
ભૂકંપ
નવસારીના વાંસદા તાલુકામાં ફરી એક વાર ભયજનક ભૂકંપના આંચકા નોંધાયા છે. વાંસદાનાં અનેક ગામડાંઓમાં ભૂકંપના આંચકાથી ધરા ધ્રૂજી ઊઠી છે. ભૂકંપનું કેન્દ્રબિંદુ વાંસદા-ચીખલી હાઇવે પર આવેલું લાખાવાડી ગામમાં નોંધાયું છે તો ભૂકંપની તીવ્રતા ૩ નોંધાઈ છે. વહેલી સવારે ૫.૨૭ વાગ્યે ભૂકંપ આવ્યો હતો. ઉલ્લેખનીય છે કે છેલ્લા બે મહિનાથી વાંસદાની જમીનમાં ભૂકંપના આંચકા આવવાનો સિલસિલો યથાવત છે. તાલુકાના રહેવાસીઓ પણ ગભરાયેલા છે. આ મામલે અનેક તપાસ કરવામાં આવી છે.
આ પણ વાંચો : ભરૂચ બીજેપીના આગેવાન ખુમાનસિંહ વાંસિયાની દારૂબંધી હટાવવાની માગણી
ADVERTISEMENT
વાંસદા તાલુકાનાં wગામોમાં બે મહિનામાં સતત ભૂકંપના આંચકાઓ અનુભવાઈ રહ્યા છે. ગયા મહિને તો વાંસદામાં ૨.૭ની તીવ્રતાનો ભૂકંપ આવતાં ઉપસળ, મોટી વાલઝર, નાની વાલઝર સહિતનાં ગામોમાં લોકોનાં ઘરોમાં મોટી-મોટી તિરાડો પડી જવા પામી હતી. સામાન્ય રીતે વાંસદાનાં ગામોમાં કાચાં કે અડધાં પાકાં ઘરો વધુ હોય છે ત્યારે લોકોનાં ઘરોમાં તિરાડો પડતાં ઘર પડી જવાની ભીતિ લોકોમાં સેવાઈ રહી છે.
