ગુજરાત ગાદીયુદ્ધ : ૧૯૨ ઉમેદવારનો ક્રિમિનલ રેકૉર્ડ

Published: 9th December, 2012 07:59 IST

વિધાનસભાની ચૂંટણી લડી રહેલા ૧૬૬૬ ઉમેદવારોમાંથી ૯૫૫ ઉમેદવારોનાં સોગંદનામાંનું ગુજરાત ઇલેક્શન વૉચ નામની સંસ્થા દ્વારા વિશ્લેષણ કરવામાં આવ્યું હતું, જેમાં ૯૫૫ ઉમેદવારોમાંથી ૧૯૨ ઉમેદવારોએ તેમની સામે થયેલા ક્રિમિનલ કેસ જાહેર કર્યા છે.


બીજેપી અને બીએસપીના એક-એક ઉમેદવારે તેમની સામે બળાત્કારનો ગુનો દાખલ થયો હોવાનું જાહેર કર્યું છે, તો જેડીયુના ઉમેદવાર છોટુભાઈ વસાવાએ તેમની સામે ખૂન, લૂંટફાટ અને ચોરીના ૧૯ ગુના નોંધાયા હોવાનું જાહેર કર્યું છે.

ગુજરાત ઇલેક્શન વૉચના પ્રો. જગદીપ ચોકરે ગઈ કાલે પ્રેસ-કૉન્ફરન્સમાં કહ્યું હતું કે ‘કૉન્ગ્રેસના ૫૫ ઉમેદવારો, બીજેપીના ૪૮, બીએસપીના ૧૦, જેડીયુના ૯, સમાજવાદી પાર્ટીના ૮, એનસીપીના પાંચ અને જીપીપીના ૩૪ ઉમેદવારો સહિત કુલ ૧૯૨ ઉમેદવારોએ તેમની સામે થયેલા ક્રિમિનલ કેસ જાહેર કર્યા છે. આ ઉમેદવારો પૈકી ૧૪૦ ઉમેદવારોએ તેમની સામે અપહરણ, ખૂન, લૂંટફાટ અને બળાત્કાર સહિતના ગુના દાખલ થયા હોવાનું જાહેર કર્યું છે.’

 બીએસપી = બહુજન સમાજ પાર્ટી, જેડીયુ = જનતા દળ યુનાઇટેડ, એનસીપી = નૅશનલિસ્ટ કૉન્ગ્રેસ પાર્ટી

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK