મુંબઈમાં સિંહ-સિંહણની જોડી આપવાની રૂપાણીએ આપી મંજૂરી

Published: May 09, 2019, 07:59 IST | અમદાવાદ

ગીરના વિશ્વપ્રસિદ્ધ એશિયાટીક સિંહો જોવા મુંબઈકર ગુજરાત નહીં આવે તો ચાલશે, ઘરઆંગણે જ બે સિંહ અને બે સિંહણ જોવાનો રોમાંચક લહાવો મળશે એનિમલ એક્સચેન્જ પ્રોગ્રામ હેઠળ ગુજરાત, મહારાષ્ટ્રને આપશે બે સિંહોની જોડી

સિંહ
સિંહ

ગુજરાતની શાન સમા ગીરના વિશ્વપ્રસિદ્ધ એશિયાટીક સિંહો જોવા મુંબઈકર ગુજરાત નહીં આવે તો ચાલશે, કેમકે મુંબઈવાસીઓને ઘરઆંગણે જ બે સિંહ અને બે સિંહણ જોવાનો રોમાંચક લહાવો મળશે. એનિમલ એક્સચેન્જ પ્રોગ્રામ હેઠળ ગુજરાત, મહારાષ્ટ્રને બે સિંહોની જોડી આપશે, જેના પગલે હવે મુંબઈમાં ગુજરાતના ડાલા મથ્થાની ડણક સાંભળવા મળશે.

ગુજરાતના મુખ્ય પ્રધાન વિજય રૂપાણીએ ગઇકાલે એનિમલ એક્સચેન્જ પ્રોગ્રામ હેઠળ મહારાષ્ટ્રના મુંબઈને સિંહની બે જોડી તેમ જ પંજાબને સિંહની એક જોડી આપવાની સૈદ્ધાંતિક મંજૂરી આપી હતી. આ મંજૂરીના પગલે અગામી દિવસોમાં જૂનાગઢના શક્કરબાગ ઝૂમાંથી મુંબઈમાં આવેલા વીર માતા જીજાબાઇ ભોંસલે ઉદ્યાનને બે નર અને બે માદાં સિંહ આપવામાં આવશે. સામે પક્ષે મુંબઈના ઉદ્યાનમાંથી શક્કરબાગ ઝૂને ઝીબ્રાની બે જોડી, કોકટેઇલ ગ્રેની બે જોડી, કોકટેઇલ વ્હાઇટની એક જોડી, નાઇટ એરોનની ચાર જોડી તથા એક માદાં હોર્નબિલ જેવાં વન્યપ્રાણીઓ આપશે.

આ પણ વાંચો : પ્રી-મોનસૂન એક્ટિવિટીના કારણે રાજ્યમાં મળશે ગરમીથી રાહત

બીજી તરફ રાજકોટના જિયોલૉજિકલ પાર્કમાંથી પંજાબના છતબીર ખાતે આવેલા એમ. સી. જિયોલૉજિકલ પાર્કને સિંહની એક જોડી આપવામાં આવશે. તેની સામે પંજાબના આ જિયોલાૅજીકલ પાર્ક તરફથી રાજકોટના જિયોલૉજીકલ પાર્કને એક હિમાલયન રીંછ, જંગલ કેટની એક જોડી, હમદ્રયાસ બબુન એક જોડી, રોઝ રિંગ પેરાકીટ ત્રણ જોડી, કોમ્બ ડક બે જોડી, ઝીબ્રા ફ્રિન્ચ, એલેઝાન્ડ્રીન પેરાકીટની બે જોડી અને પેઇન્ટેડ સ્ટ્રોક જેવાં વન્ય પ્રાણીઓ આપશે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK