મોટેરા સ્ટેડિયમમાં બૉલીવુડ અને ઢોલીવુડના ગાયક કલાકારો પર્ફોર્મ કરશે
મોટેરા સ્ટેડિયમ
અમેરિકાના રાષ્ટ્રપતિ ડોનલ્ડ ટ્રમ્પ ૨૪ ફેબ્રુઆરીએ અમદાવાદ આવીને ભારતના વડા પ્રધાન નરેન્દ્ર મોદી સાથે મોટેરા ખાતે નવનિર્મિત વિશ્વના સૌથી મોટા સ્ટેડિયમનું ઉદ્ઘાટન કરવાના છે. અમદાવાદ ઍરપોર્ટ પર મહાનુભાવોનું ભવ્ય સ્વાગત કરવામાં આવશે અને ગાર્ડ ઑફ ઓનર આપવામાં આવશે. ટ્રમ્પના ભારત પ્રવાસ માટેની સુરક્ષા તૈયારીઓ જોરશોરથી ચાલી રહી છે. બીજી તરફ મોટેરા સ્ટેડિયમમાં બૉલીવુડના નામાંકિત કલાકારો એ. આર. રહમાન, શાન અને સોનુ નિગમ, કીર્તિદાન, પાર્થિવ ગોહિલને આમંત્રણ આપવામાં આવ્યું છે ત્યારે આ કલાકોરો જ સ્ટેજ-પર્ફોર્મન્સ આપી શકે છે.
આ પણ વાંચો : અમદાવાદ: સ્ટેડિયમમાં ટ્રમ્પ-મેલાનિયા માટે સ્પેશ્યલ રૂમ
ADVERTISEMENT
મોટેરા સ્ટેડિયમમાં ‘નમસ્તે ટ્રમ્પ’ના કાર્યક્રમમાં બૉલીવુડના જાણીતા ગાયક કલાકાર એ. આર. રહમાન, સોનુ નિગમ અને શાન આવવાના છે. આ સિવાય ભારતીય ક્રિકેટ બોર્ડના પ્રેસિડન્ટ સૌરવ ગાંગુલી, સચિન તેન્ડુલકર, પાર્થિવ પટેલ, જસપ્રીત બુમરાહને પણ આમંત્રણ અપાયું છે. આ ઉપરાંત ગુજરાતના મોટા ગાયકો કીર્તિદાન ગઢવી, પાર્થિવ ગોહિલને પણ આમંત્રણ આપવામાં આવ્યું છે.