સરકારી બાબુઓ પર મોદીની લગામ, ફાઈવ હોટલોમાં મીટિંગો ને ફર્સ્ટ ક્લાસમાં વિદેશ પ્રવાસ નહીં
રાજકોષીય ખાધ ૨૦૧૪-૧૫ના નાણાકીય વર્ષમાં કુલ ઘરેલુ ઉત્પાદનના ૪.૧ ટકાના સ્તરે સીમિત રાખવાના લક્ષ્યાંક સાથે નાણા મંત્રાલયે મીટિંગો ફાઇવસ્ટાર હોટેલ્સમાં યોજવા પર અને નવી નિમણૂકો તેમ જ જે જગ્યાઓ એક કરતાં વધારે વર્ષથી ખાલી હોય એના માટે ભરતી પર પણ પ્રતિબંધ મૂક્યો છે.
સંરક્ષણ દળો, અર્ધ લશ્કરી દળો અને સલામતી સંગઠનો માટે કાર્યકારી જરૂરિયાત મુજબ નવાં વાહનો ખરીદવાની છૂટ છે; પરંતુ અન્ય કોઈ નવાં વાહનો ખરીદવા પરનો પ્રતિબંધ ચાલુ રહેશે.
