ભત્રીજા સાથેની લડાઈમાં ગોપીનાથ મુંડેનો થયો પરાજય

મરાઠવાડા વિસ્તારમાં પર્લી નગરપરિષદના નગરાધ્યક્ષની ચૂંટણીમાં ભારતીય જનતા પક્ષ (બીજેપી)ના વરિષ્ઠ નેતા ગોપીનાથ મુંડે પુરસ્કૃત ઉમેદવાર જુગલ કિશોર લોહિયાનો મુંડેના ભત્રીજા ધનંજય મુંડે પુરસ્કૃત ઉમેદવાર દીપક દેશમુખ સામે પરાજય થતાં કાકા-ભત્રીજાની લડાઈમાં ભત્રીજો જીતી ગયો છે.

જુગલ કિશોર લોહિયાને છ અને દીપક દેશમુખને ૨૬ મત મYયા હતા. આખા મહારાષ્ટ્રની નજર આ ચૂંટણી પર હતી. આ ચૂંટણી પ્રતીકાત્મક હતી એમ ગોપીનાથ મુંડેએ જણાવ્યું હતું, જ્યારે મહારાષ્ટ્ર બીગેપીના અધ્યક્ષ સુધીર મુનગંટીવારે કહ્યું હતું કે પક્ષના વ્હિપ વિરુદ્ધ મતદાન કરનારાઓ સામે કાર્યવાહી કરવામાં આવશે. બીજી તરફ ધનંજય મુંડેએ જણાવ્યું હતું કે આ તો જનતાનો વિજય છે. આ પરિણામ બાદ જણાય છે કે ધનંજય હવે એનસીપી (નૅશનલિસ્ટ કૉન્ગ્રેસ પાર્ટી)માં જોડાશે. બીજેપીમાંથી ધનંજયના બળવા પાછળ અજિત પવારનું સમર્થન હોવાનું માનવામાં આવે છે.