કન્યાએ BFને જીવતેજીવ બર્થડે પાર્ટીમાં આપ્યું ફ્યુનરલનું સરપ્રાઇઝ

Published: 24th October, 2020 08:31 IST | Mumbai correspondent | Mumbai

બોલો, કન્યાએ બૉયફ્રેન્ડને જીવતેજીવ બર્થડે પાર્ટીમાં આપ્યું ફ્યુનરલનું સરપ્રાઇઝ

કન્યાએ BFને જીવતેજીવ બર્થડે પાર્ટીમાં આપ્યું ફ્યુનરલનું સરપ્રાઇઝ
કન્યાએ BFને જીવતેજીવ બર્થડે પાર્ટીમાં આપ્યું ફ્યુનરલનું સરપ્રાઇઝ

કોઈ જીવતે જગતિયું કરવાની પરંપરા ભારતમાં ઘણી સંસ્કૃતિઓમાં છે, પણ જીવતેજીવ કોઈને તેનું ફ્યુનરલ અટેન્ટ કરવાની સરપ્રાઇઝ આપીએ તો શું થાય? એમાંય તમારી બર્થડેના દિવસે ગર્લફ્રેન્ડ તમારું ફ્યુનરલ યોજે તો-તો આવી જ બનેને? જોકે બ્રિટનના સ્કાયલર નામના ભાઈને તેમની ૩૩મી વર્ષગાંઠ વખતે ગર્લફ્રેન્ડ એલી મૅકકૅન દ્વારા જબરી સરપ્રાઇઝ મળી હતી. સામાન્ય રીતે જન્મદિવસની પાર્ટીમાં કેક, બલૂન્સ, ગેમ્સ અને લાઉડ મ્યુઝિક સાથે મસ્તી થતી જોવા મળે છે, પણ એલીએ તેના બૉયફ્રેન્ડને તેનું જ ફ્યુનરલ અટેન્ડ કરવાની સરપ્રાઇઝ આપી હતી. સામાન્ય રીતે સ્વજનના મૃત્યુ બાદ લોકો તેના વિશે સારું-સારું બોલતા હોય છે જે આપણને કદી જીવતેજીવ સાંભળવા મળતું જ નથી. એલીએ સ્કાયલરના તમામ ફ્રેન્ડ્સને શોકસભામાં આવતા હોય એવા કપડાં પહેરીને આવવા જણાવેલું. વચ્ચે નકલી કૉફિન પણ મૂકવામાં આવેલું. ડીમ લાઇટ અને ડલ વાતાવરણમાં મિત્રો જાણે સ્કાયલર આ દુનિયામાં રહ્યો નથી એમ વર્તી રહ્યા હતા. સ્કાયલરને પણ કહેવામાં આવેલું કે તું જાણે ભૂત થઈને આ માહોલમાં ફરી રહ્યો હોય એમ તારે એ ઘટનાને વીટનેસ કરવાની છે. પોતાના મૃત્યુ બાદ મિત્રો અને સ્વજનો કેવું રીઍક્ટ કરશે, કેવું રડશે, શું બોલશે એ બધું જ નજરાનજર જોઈને સ્કાયલરભાઈ પણ ગદગદ થઈ ગયા.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK