બજેટ ૨૯ ફેબ્રુઆરીએ જ

સરકારે ગઈ કાલે નિર્દેશ આપ્યો હતો કે પાંચ રાજ્યોમાં વિધાનસભાની ચૂંટણીઓ હોવા છતાં વર્ષ ૨૦૧૨-’૧૩નું બજેટ ૨૯ ફેબ્રુઆરીએ જ રજૂ કરવામાં આવશે.

ફાઇનૅન્સ મિનિસ્ટ્રીના ઉચ્ચ અધિકારીએ ગઈ કાલે દિલ્હીમાં જણાવ્યું હતું કે ૨૯ ફેબ્રુઆરીએ બજેટ રજૂ કરવામાં કોઈ જ કાનૂની અવરોધ નથી. અને બજેટ રજૂ કરવામાં સરકારને કોઈ અટકાવી શકે એમ નથી. જોકે આ અધિકારીએ ઉમેર્યું હતું કે ‘બજેટની તારીખ બાબતે કોઈ નિર્ણય હજી લેવામાં નથી આવ્યો. લોકપાલ બિલનો ઇશ્યુ પતી જાય પછી સરકાર બજેટ વિશેનો નિર્ણય લેશે.’