સસ્પેન્ડેડ IAS દહિયા હાઈ કોર્ટ પહોંચ્યા, પોલીસની હેરાનગતિનો આક્ષેપ

ગાંધીનગર | Aug 20, 2019, 08:39 IST

કથિત પ્રેમ પ્રકરણના કારણે ચર્ચાના ચગડોળે ચડેલા રાજ્યના સસ્પેન્ડેડ આઈએએસ ગૌરવ દહિયા હાઈ કોર્ટના શરણે પહોંચ્યા હતા.

સસ્પેન્ડેડ IAS દહિયા હાઈ કોર્ટ પહોંચ્યા, પોલીસની હેરાનગતિનો આક્ષેપ
આઈએએસ ગૌરવ દહિયા

કથિત પ્રેમ પ્રકરણના કારણે ચર્ચાના ચગડોળે ચડેલા રાજ્યના સસ્પેન્ડેડ આઈએએસ ગૌરવ દહિયા હાઈ કોર્ટના શરણે પહોંચ્યા હતા. દહિયાએ કોર્ટમાં રાવ નાખી કે તેમના કથિત ગુના બાબતનું કાર્યક્ષેત્ર દિલ્હી પોલીસમાં આવે છે તેમ છતાં માત્ર ફરિયાદના મળેલા કાગળના આધારે ગુજરાત પોલીસ ખોટી રીતે હેરાન કરી રહી છે. દહિયાના આક્ષેપ અને અરજીના મામલે કોર્ટે રાજ્ય સરકારને નિર્દેશન આપ્યો છે. કોર્ટે સરકારને કહ્યું છે કે આ મામલે ૨૨ ઑગસ્ટ સુધીમાં સરકાર વલણ સ્પષ્ટ કરે. દહિયાની અરજી મુદ્દે કોર્ટમાં ૨૨ ઑગસ્ટે વધુ સુનાવણી હાથ ધરાશે.

અગાઉ દિલ્હીની મહિલા સાથેના કથિત પ્રેમ પ્રકરણ કેસમાં તપાસ સમિતિનાં રિપોર્ટ બાદ આઈએએસ ગૌરવ દહિયાને સસ્પેન્ડ કરવામાં આવ્યા છે. મહત્વનું છે કે પોલીસે ચાર વાર ગૌરવ દહિયાને હાજર રહેવા માટે નોટિસ મોકલી હતી પરંતુ તે હાજર રહ્યા ન હતા. તપાસમાં સહયોગ ન આપતા કાર્યવાહી કરવામાં આવશે.

આ કથિત પ્રેમ પ્રકરણમાં પોલીસ આઇએએસ ગૌરવ દહિયાને તેમનું નિવેદન નોંધાવવા માટે અગાઉ ત્રણ વખત નોટિસ મોકલી ચૂકી છે, પરંતુ દહિયા પોલીસ સમક્ષ હાજર થયા ન હતા. જેને પગલે છેલ્લે ગાંધીનગર સેક્ટર-૭ પોલીસે દહિયાને ચોથી નોટિસ મોકલી હતી.

બે સપ્તાહ પૂર્વે સરકારે રચેલી તપાસ કમિટી સમક્ષ ગૌરવ દહિયા હાજર થયા હતા. જ્યાં દહિયાની છથી સાત કલાક સઘન પૂછપરછ કરવામાં આવી હતી. જોકે તે બાદ દહિયા પોલીસ સમક્ષ હાજર થતા નથી. પોલીસે દિલ્હી જઈને મહિલાનું નિવેદન પણ લીધું હતું.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK