ઘરફોડી કરતી ટોળકીનો પર્દાફાશ: ચારની ધરપકડ

Published: 22nd February, 2021 12:18 IST | Gujarati Mid-day Correspondent | Mumbai

બુધવારે આ ટોળકીએ ગોરેગામમાં એક ઘરમાં ઘૂસીને લગભગ ૧૮ લાખ રૂપિયાની કિંમતનાં સોનાનાં ઘરેણાં પર હાથ સાફ કર્યા હતા

પ્રતીકાત્મક તસવીર
પ્રતીકાત્મક તસવીર

ઘરફોડીનાં અનેક કારનામાં કરી ચૂકેલી ગૅન્ગનો પોલીસે પર્દાફાશ કરી દહિસરથી એના ચાર સભ્યની ધરપકડ કરી હોવાનું પોલીસ અધિકારીએ ગઈ કાલે જણાવ્યું હતું.

ક્રાઇમ બ્રાન્ચની યુનિટ-૧૨ દ્વારા શનિવારે ધરપકડ કરાયેલા ચાર આરોપીની ઓળખ ૪૬ વર્ષના અય્યપ્પા શેટ્ટીયાર ઉર્ફ શેટ્ટી, ૪૪ વર્ષના મુરગન શેટ્ટી, ૨૧ વર્ષના નસીમ શેખ તથા ૩૮ વર્ષના જિયારૂલ શેખ ઉર્ફ પિન્ટો તરીકે કરાઈ હતી.

બુધવારે આ ટોળકીએ ગોરેગામમાં એક ઘરમાં ઘૂસીને લગભગ ૧૮ લાખ રૂપિયાની કિંમતનાં સોનાનાં ઘરેણાં પર હાથ સાફ કરી પલાયન થઈ જતાં ક્રાઇમ બ્રાન્ચ તેમ જ સ્થાનિક પોલીસે તેમની શોધ આદરી હોવાનું પોલીસ અધિકારીએ જણાવ્યું હતું.

તપાસ દરમ્યાન ક્રાઇમ બ્રાન્ચના અધિકારીઓને મળેલી ટીપના આધારે તેમણે છટકું ગોઠવીને દહિસરમાંથી આરોપીઓની ધરપકડ કરી હતી ધરપકડ કરાયેલા ચોરો પાસેથી ચોરાયેલાં ઘરેણાંમાંથી થોડાં પરત મળી શક્યાં હતાં. જોકે અન્ય બે ચોરની શોધ ચાલુ છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK