જૂનાગઢમાં દીક્ષાંત સમારોહની પરેડ પહેલાં LRD જવાનો ભાન ભૂલ્યા, થયો વિવાદ

જૂનાગઢમાં દીક્ષાંત સમારોહ કાર્યક્રમમાં રાજ્ય સરકારે બનાવેલા કોરોના વાઇરસના નિયમો નેવે મુકાયા હતા. જાણે રાજ્યમાંથી કોરોના જતો રહ્યો હોય એમ દીક્ષાંત પરેડ પહેલાં એલઆરડી જવાનોએ ગરબે ઘૂમીને નિયમોના ધજાગરા ઉડાવ્યા હતા. દીક્ષાંત પરેડ પહેલાં એલઆરડી જવાનો ગરબે ઘૂમતાં કાયદાના રખેવાળોએ જ કાયદો તોડ્યો હતો. જૂનાગઢમાં દીક્ષાંત સમારોહ કાર્યક્રમમાં એલઆરડી જવાનો માસ્ક પહેર્યા વગર ગરબા રમ્યા હતા. અહીં સોશ્યલ ડિસ્ટન્સના પણ ધજાગરા ઉડાવ્યા હતા. તમને જણાવીએ કે જૂનાગઢમાં પોલીસ ટ્રેઇનિંગ સેન્ટરમાં દીક્ષાંત સમારોહ હતો. જૂનાગઢ પોલીસ ટ્રેઇનિંગ સેન્ટરમાં યોજાયેલા કાર્યક્રમમાં કોરોના ગાઇડલાઇનના લીરેલીરા ઊડ્યા હતા. પોલીસ તાલીમાર્થીઓ જ ગરબે ઘૂમતાં મોટો હોબાળો સામે આવ્યો છે.