મનીષ માર્કેટ પાસેના બેસ્ટના સબ-સ્ટેશનમાં આગ

Published: 18th September, 2012 05:52 IST

બેસ્ટે ગેરકાયદે ભાડે આપેલા ફ્લોર પર આગ લાગી




સાઉથ મુંબઈમાં યારા માર્કેટની પાસેના માતા રમાબાઈ આંબેડકર માર્ગ પર આવેલા બેસ્ટના એક સબ-સ્ટેશનમાં ગઈ કાલે સાંજે સાડાચાર વાગ્યે આગ ફાટી નીકળી હતી. આગ બુઝાવવાની કામગીરી વખતે એક ફાયરમૅનને ઈજા થઈ હતી. આગને કાબૂમાં લેતાં ફાયર-બ્રિગેડને બે કલાક લાગ્યા હતા. બેસ્ટના અધિકારીઓએ ગેરકાયદે રીતે ભાડે આપેલી જગ્યામાં કેટલાક દુકાનદારો પોતાનું કામકાજ કરતા હતા એવો આરોપ ફાયર-ઑફિસરો તેમ જ અન્ય દુકાનદારોએ લગાવ્યો હતો. બેસ્ટના પ્રવક્તાએ કહ્યું હતું કે તેમનો સ્ટ્રીટ-લાઇટ ડિપાર્ટમેન્ટ આ જગ્યાનો ભૂતકાળમાં ઉપયોગ કરતો હતો જે અત્યારે ઘણા સમયથી ખાલી હતી. જોકે આગમાં કોઈ જાનહાનિના સમાચાર નથી મળ્યા. આ આગ જ્યાં લાગી હતી એની પાસે જ મનીષ માર્કેટ આવેલી છે અને ગયા વર્ષે ૨૬ નવેમ્બરે એમાં ભયાનક આગ ફાટી નીકળી હતી. ગયા જુલાઈ મહિનામાં જ મનીષ માર્કેટ ફરી ધમધમતી થઈ હતી.

હોલસેલ ડીલરોને લીધે મનીષ માર્કેટ આખું વર્ષ ધમધમતી હોય છે. જોકે ગણેશોત્સવને લીધે ભારે ભીડ હોવાથી ફાયર-બ્રિગેડને ઘટનાસ્થળે પહોંચવામાં વાર લાગી હતી. વળી ફાયર-બ્રિગેડના જવાનોની કાર્યવાહી જોવા માટે ભેગા થયેલા લોકોને કાબૂમાં લેવા માટે પણ પોલીસે ઘણી જહેમત ઉઠાવવી પડી હતી. બેસ્ટના સબ-સ્ટેશનના ઉપરના માળે લાગેલી આગને ઓલવવા માટે ૧૫ ફાયર-એન્જિન તથા ૧૦ વૉટર-ટૅન્કરોને ઘટનાસ્થળે મોકલાવવામાં આવ્યાં હતાં.

ડેપ્યુટી ચીફ ઑફિસર પી. એસ. રહાંદળેએ કહ્યું હતું કે ‘આગના કારણની અમે તપાસ કરી રહ્યા છીએ. આગને લીધે સબ-સ્ટેશનના ટ્રાન્સફૉર્મરને કોઈ નુકસાન નથી થયું. સબ-સ્ટેશનના ઉપરના માળે આગ લાગી હતી.

બેસ્ટ - BEST = બૃહન્મુંબઈ ઇલેક્ટ્રિક સપ્લાય ઍન્ડ ટ્રાન્સર્પોટ

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK