ગુજરાતના લખતરમાં આઠ ઇંચ વરસાદ પડ્યો

Published: Aug 14, 2020, 12:48 IST | Shailesh Nayak | Ahmedabad

લખતર તાલુકામાં આઠ ઇંચ જેટલો અને વઢવાણ તાલુકામાં પાંચ ઇંચ જેટલો વરસાદ પડ્યો હતો.તો સુરતમાં લિંબાયત સહીતના વિસ્તારોમાં ખાડીના પાણી ફરી વળતા નાગરીકો મુશકેલીમાં મુકાયા હતા.

પ્રતીકાત્મક તસવીર
પ્રતીકાત્મક તસવીર

ગુજરાત પર મેઘરાજા મહેરબના થયા હોય તેમ ગઇકાલે ગુજરાતમાં સચરાચર વરસાદ પડ્યો હતો.ગુજરાતના ૨૨૮ તાલુકાઓમાં ક્યાંક હળવો તો ક્યાંક સાંબેલાધાર વરસાદ પડતા ગુજરાતમાં કંઇ કેટલીય નદી – નાળા, નાના મોટા ડેમ છલકાઇ ગયા હતા.લખતર તાલુકામાં આઠ ઇંચ જેટલો અને વઢવાણ તાલુકામાં પાંચ ઇંચ જેટલો વરસાદ પડ્યો હતો.તો સુરતમાં લિંબાયત સહીતના વિસ્તારોમાં ખાડીના પાણી ફરી વળતા નાગરીકો મુશકેલીમાં મુકાયા હતા.બીજી તરફ વરસાદના કારણે બે ડેમના પાણી છોડાતા દેવભૂમિ દ્વારકાનું જામરાવલ ગામ બેટમાં ફેરવાઇ ગયું હતું.
ગુજરાતમાં ગઇકાલે ખાસ કરીને સૌરાષ્ટ્ર અને દક્ષિણ ગુજરાતમાં વરસાદે બઘટાડી બોલાવી દીધી હતી.સુરેન્દ્રનગર જીલ્લાના લખતર તાલુકામાં સવારે છ વાગ્યાથી સાંજે છ વાગ્યા સુધીમાં ૧૯૪ મિ.મી. એટલે કે આઠ ઇંચ વરસાદ અને વઢવાણ તાલુકામાં ૧૨૨ મિ.મી. એટલે કે પાંચ ઇંચ જેટલો વરસાદ પડ્યો હતો.ગઢડાની ઘેલો નદીમાં પૂર આવતા રમાઘાટ ડેમ ઓવરફ્લો થયો હતો.તો વર્તુ અને સાની ડેમમાંથી પાણી છોડાતા દેવભૂમિ દ્વારકા જિલ્લાનું જામરાવલ ગામ બેટમાં ફેરવાઇ ગયું હતું.કચ્છના રાપરમાં વરસાદથી શેરીઓમાં પાણી ફરી વળ્યાં હતા.વિરપુરમાં ધોધમાર વરસાદ પડ્યો હતો.વિરપુર – મેવાસ વચ્ચેના પુલ પર સરયામતી નદીના પાણી ફરી વળતા વાહનચાલકોની સલામતી માટે પુલ બંધ કરાયો હતો. દક્ષિણ ગુજરાતમાં તાપી જીલ્લાનો ડોસવાડા ડેમ ઓવરફ્લો થતા સોનગઢ અને વ્યારા તાલુકાના ૧૨ ગામોને એલર્ટ કરાયા હતા.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK