ફિલિપીન્સમાં ૭.૬ની તીવ્રતાનો ભૂકંપ

Published: 1st September, 2012 09:40 IST

ફિલિપીન્સમાં ગઈ કાલે ૭.૬ની તીવ્રતાનો શક્તિશાળી ભૂકંપ આવતાં લોકોમાં ભારે ગભરાટ ફેલાયો હતો. છેલ્લા અહેવાલ મુજબ ભૂકંપને કારણે ફિલિપીન્સના કાંઠે ઓછી તીવ્રતાનાં સુનામીનાં મોજાં ઊછળ્યાં હતાં જેના કારણે એક વ્યક્તિનું મોત નીપજ્યું હતું.

 

ભૂકંપને કારણે રસ્તા તથા પુલોને ભારે નુકસાન પહોંચ્યું હતું તથા હજારો ઘરોમાં વીજળી ગુલ થઈ ગઈ હતી. ભૂકંપનું કેન્દ્ર સમુદ્રમાં ૩૪ કિલોમીટર ઊંડે હતું. ભૂકંપ બાદ સુનામીની ચેતવણી જાહેર કરવામાં આવતાં ફિલિપીન્સ, ઇન્ડોનેશિયા સહિતના અગ્ન એશિયાના અનેક દેશોમાં કાંઠાવિસ્તારમાંથી લાખો લોકો સુરક્ષિત સ્થળે જતા રહ્યા હતા.

 

ફિલિપીન્સના ડિઝૅસ્ટર એજન્સીના જણાવ્યા પ્રમાણે ભૂકંપનો આંચકો લાંબો સમય સુધી ચાલ્યો હતો. શરૂઆતમાં સુનામીની ચેતવણી જપાન તથા પૅસિફિક મહાસાગરમાં આવેલા દેશોમાં પણ આપવામાં આવી હતી. જોકે બાદમાં આ ચેતવણી પાછી ખેંચવામાં આવી હતી.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK