વેસ્ટર્ન રેલવેનું હેડક્વૉર્ટર મુંબઈથી અમદાવાદ શિફ્ટ કરવામાં આવશે?
લોકસભાના અમદાવાદ પશ્ચિમ મતવિસ્તારના BJPના સંસદસભ્ય કિરીટ સોલંકીએ ‘મિડ-ડે’ને કહ્યું હતું કે ‘લોકસભામાં શુક્રવારે શૂન્યકાળ દરમ્યાન વેસ્ટર્ન રેલવેના હેડક્વૉર્ટરને મુંબઈથી ખસેડીને અમદાવાદમાં રાખવાની રજૂઆત મેં કરી હતી. વેસ્ટર્ન રેલવે નેટવર્કમાં ગુજરાત, મહારાષ્ટ્ર, મધ્ય પ્રદેશ અને રાજસ્થાન છે જેમાં વેસ્ટર્ન રેલવેનું ૬૦ ટકાથી વધુ નેટવર્ક ગુજરાતમાં છે. મુંબઈ છેવાડે પડી જાય છે. જો અમદાવાદમાં વેસ્ટર્ન રેલવેનું વડું મથક રાખવામાં આવે તો એ વેસ્ટર્ન રેલવેના નેટવર્કનાં અન્ય રાજ્યોને પણ નજીક પડે એમ છે. જયપુર, ઇન્દોર કે સુરતવાળાને અમદાવાદ નજીક પડે, કેમ કે અમદાવાદ વચ્ચે આવે છે.’
ADVERTISEMENT
શિવસેનાનો વિરોધ
શિવસેનાએ તો વેસ્ટર્ન રેલવેના હેડક્વૉર્ટરને મુંબઈથી અમદાવાદ શિફ્ટ કરવાના મુદ્દે વિરોધ પણ કર્યો છે અને મહારાષ્ટ્રના ચીફ મિનિસ્ટર દેવેન્દ્ર ફડણવીસને વેસ્ટર્ન રેલવેના હેડક્વૉર્ટરને મુંબઈમાંથી ગુજરાત ખસેડવામાં ન આવે એ સુનિશ્ચિત કરવા જણાવ્યું છે.
