પ્યૉર મૅજિક પુરવાર થશે ડાયરેક્ટ કૅશ ટ્રાન્સફર સિસ્ટમ : ચિદમ્બરમ
તેમણે કહ્યું હતું કે આ પદ્ધતિ લાગુ કરવા માટે બૅન્કોએ વધારે જવાબદાર બનવું પડશે. આ સિસ્ટમની ખાસિયત જણાવતાં ચિદમ્બરમે કહ્યું હતું કે આ સિસ્ટમમાં નાણાં સીધા લાભાર્થીના બૅન્ક ખાતામાં જમા થઈ જતાં હોવાથી વચેટિયાઓનો છેદ ઊડી જશે, અને તેથી ભ્રષ્ટાચારની શક્યતા નહીં રહે અને એટલે જ આ યોજના પ્યૉર મૅજિક પુરવાર થશે. ગઈ કાલે જયપુરમાં એક કાર્યક્રમમાં બોલતાં નાણાપ્રધાને કહ્યું હતું કે આગામી પહેલી જાન્યુઆરીથી કેટલાક જિલ્લાઓમાં આ યોજના લાગુ થઈ રહી છે તથા વર્ષના અંત સુધીમાં દેશભરમાં એ લાગુ કરી દેવામાં આવશે. ચિદમ્બરમે યોજનાને સફળ બનાવવા માટે તમામ બૅન્કોને પણ અપીલ કરી હતી.
