અભિનેતા દિનેશ ઠાકુરનું લાંબી બીમારી બાદ અવસાન

Published: 21st September, 2012 04:43 IST

હિન્દી રંગભૂમિના પીઢ અભિનેતા અને અનેક ફિલ્મોમાં કામ કરનારા ૬૫ વર્ષના ઍક્ટર અને સ્ટોરી-રાઇટર દિનેશ ઠાકુરનું ગઈ કાલે કિડનીની લાંબી બીમારી બાદ અવસાન થયું હતું.

હિન્દી સાહિત્યમાં પોસ્ટ-ગ્રૅજ્યુએટ કરનારા ઠાકુર ૧૯૬૪માં દિલ્હીના હિન્દુસ્તાની થિયેટરમાં જોડાયા હતા. ૧૯૭૬માં તેમણે પોતાના અંક થિયેટર ગ્રુપની સ્થાપના કરી હતી અને ૬૦થી વધુ નાટકો તૈયાર કર્યા હતાં. તેમના પરિવારમાં પત્ની પ્રીતા ઠાકુરનો સમાવેશ થાય છે.


૧૯૭૪માં રજૂ થયેલી ‘રજનીગંધા’ ફિલ્મમાં તેઓ પહેલી વાર હીરો તરીકે ફિલ્મી પરદે દેખાયા હતા. તેમની અન્ય ફિલ્મોમાં ‘મેરે અપને’ અને ‘ઘર’ વગેરેનો સમાવેશ થાય છે. ‘ઘર’ ફિલ્મની સ્ટોરી અને સ્ક્રીનપ્લે માટે બેસ્ટ સ્ટોરી કૅટેગરીમાં તેમને ફિલ્મફેર અવૉર્ડ મળ્યો હતો.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK