પેશાવરના હત્યાકાંડથી દિલીપકુમાર વ્યથિત

Published: 19th December, 2014 06:46 IST

પેશાવરમાં જન્મેલા બૉલીવુડના ઍક્ટર ૯૨ વર્ષના દિલીપકુમારે પેશાવરમાં હત્યાકાંડમાં જાન ગુમાવનારાં બાળકો માટે વ્યથા અનુભવતાં એ બાળકોના પેરન્ટ્સને મળવાની તીવ્ર ઇચ્છા વ્યક્ત કરી છે.


દિલીપકુમારની લાગણીઓ જણાવતાં તેમનાં પત્ની સાયરાબાનુએ કહ્યું હતું કે ‘પેશાવરની સ્કૂલમાં આચરવામાં આવેલા રાક્ષસી કૃત્યથી મને ખૂબ આઘાત લાગ્યો છે. ભારતના ભાગલા નહોતી પડ્યા એ વખતમાં એ રળિયામણા શહેર પેશાવરમાં મારો જન્મ થયો હતો. એ શહેરની ઘણી વિશિષ્ટ યાદો મારા મનમાં હજીયે તાજી છે.’

સાયરાબાનુએ દિલીપસાબની લાગણીઓ જણાવતાં કહ્યું હતું કે ‘પેશાવરમાં તાલિબાનના ટેરરિસ્ટોએ સ્કૂલનાં બાળકો સાથે જે કર્યું એ જઘન્ય પાપ છે અને ક્યારેય માફ કરી શકાય એમ નથી. એ હત્યાકાંડથી હું જખમી થયો છું. એ લાગણીઓ વ્યક્ત કરવા માટે શબ્દો નથી. તાજેતરનાં વર્ષોમાં કોઈ પણ દેશે અનુભવેલા સૌથી ઘૃણાસ્પદ એવા આ અપરાધમાં જે પેરન્ટ્સે તેમનાં દીકરા અને દીકરીઓ ગુમાવ્યાં તેમના માટે મારું હૈયું વલોવાય છે.

તેમને સાંત્વન આપવા જવાની ઇચ્છા થાય છે.’ હજીયે પેશાવરમાં યુસુફસાબના પૂર્વજોનું ઘર છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK