દિલ્હીવાસીઓને કેજરીવાલની ભેટ: 16 ડિસેમ્બરથી ફ્રી વાઇ-ફાઇ મળશે
અરવિંદ કેજરીવાલ
દિલ્હી વિધાનસભામાં ચૂંટણી પહેલાં કેજરીવાલ સરકારે પાણી અને મેટ્રો બાદ હવે વાઇ-ફાઇ ફ્રી કરી દેવામાં આવતાં વિપક્ષો માટે દિલ્હીમાં ચૂંટણી ઢંઢેરો નામ માત્રનો બનીને રહી જશે એવી શક્યતાઓ સેવાઈ રહી છે.
આમ આદમી પાર્ટીની સૌથી મહત્વાકાંક્ષી યોજના એવી ફ્રી વાઇ-ફાઇ કરવાની ઘોષણા કરી દીધી છે જેના પ્રથમ ચરણમાં દિલ્હીના ૩૦૦૦ બસ-સ્ટૅન્ડ પર વાઇ-ફાઇ હૉટ સ્પૉટ લગાવવામાં આવશે. સમગ્ર દિલ્હીમાં કુલ ૧૧,૦૦૦ હૉટ સ્પૉટ લગાવવામાં આવશે. દરેક યુઝરને પ્રતિ મહિને ૧૫ જીબી ફ્રી ડેટા મળશે જેની શરૂઆત ૧૬ ડિસેમ્બરથી કરવામાં આવશે.
