ફિલિપીન્સમાં વાવાઝોડા વિશે લોકોને અગાઉથી ચેતવી દેવામાં આવ્યા હતા

ફિલિપીન્સમાં ફૂંકાયેલા ‘વાશી’ વાવાઝોડા તથા એને કારણે આવેલા પૂરને લીધે મૃત્યુ પામનારા લોકોની સંખ્યા ગઈ કાલે ૬૫૨ પર પહોંચી હતી. લાપતા બનનારા લોકોનો આંકડો ૮૦૮ પર પહોંચ્યો હતો. ફિલિપીન્સના મિન્ડાનાઓ ટાપુ પર ૨૦,૦૦૦ સૈનિકોને બચાવકાર્યમાં જોતરવામાં આવ્યા છે.

ફિલિપીન્સના રાષ્ટ્રપતિ બેનિગ્નો ઍક્વિનોએ કહ્યું હતું કે ‘આ વિસ્તારમાં દર વર્ષે ખતરો રહે છે. આથી હવે પહેલું કામ અહીં વસતા લોકોને બીજે સ્થળાંતરિત કરવાનું છે. નૅશનલ ડિઝૅસ્ટર રિસ્ક રિડક્શન ઍન્ડ મૅનેજમેન્ટ કાઉન્સિલે લોકોને અગાઉથી ચેતવણી આપી હતી, પરંતુ અહીં રહેતા લોકોએ એ તરફ ધ્યાન ન આપતાં તેમને આ મુશ્કેલી વેઠવી પડી રહી છે.’