NCBના હિસાબે સાઈબર ક્રાઈમને લીધે થયું આટલા લાખ કરોડનું નુકસાન
પ્રતીકાત્મક તસવીર
ભારતમાં સાયબર ક્રાઈમને લીધે ગયા વર્ષે રૂ.1.25 લાખ કરોડનું નુકસાન થયુ હોવાનું નેશનલ સાયબર સિક્યોરિટી (NCB)ના કોર્ડિનેટર લેફ્ટનન્ટ જનરલ ડૉ.રાજેશ પંતે જણાવ્યું હતું.
રાજેશ પંતના મતે હાલમાં અમૂક જ એવી ભારતીય કંપની છે જે સાયબર સિક્યોરિટી પ્રોડકટ્સ બનાવે છે. ગયા વર્ષે સત્તાવાર આંકડા મુજબ સાયબર એટેકને કારણે રૂ. 1.25 લાખ કરોડનું નુકસાન થયું છે. રેન્સમવેરના એટેક સતત વધી રહ્યા છે અને આ ગુનેગારો ઘરેથી કામ કરી રહ્યા છે. આ લોકો નિર્દય છે. તેઓ હોસ્પિટલોને લક્ષ્યાંક બનાવી રહ્યાં છે કારણ કે તેઓ જાણે છે કે કટોકટીમાં હોસ્પિટલો પેમેન્ટ કરશે. મોબાઇલ જેવા ઉપકરણોને લગતી સ્થિતિ નાજુક છે. લોકો વિવિધ સેવાઓ માટે ફોન જેવા ઉપકરણોનો ઉપયોગ કરી રહ્યા છે. તેમણે કહ્યું, અમે મોબાઇલ ફોન્સ પર સાયબર એટેકનું વિશ્લેષણ કર્યું. અમને જાણવા મળ્યું છે કે તેમાં ફક્ત 15 એપ્લિકેશન જ નહીં, ત્યાં 15 જુદા જુદા તત્વો છે, જે સાયબર એટેક તરફ દોરી શકે છે. આમાં ઓપરેટિંગ સિસ્ટમ, તેના પ્રોસેસર, મેમરી ચિપ, બ્લૂટૂથ અને વાઇફાઇ શામેલ છે.
ADVERTISEMENT
તેમણે ઉમેર્યું કે, લોકો અધિકૃત સ્ટોર્સ અને થર્ડ પાર્ટી સ્રોતોથી એપ્લિકેશન્સ ડાઉનલોડ કરે છે. પહેલાથી ઇન્સ્ટોલ કરેલી એપ્લિકેશન પણ ડેટા મોકલવા માટે પણ મળી આવી. વડા પ્રધાન નરેન્દ્ર મોદીએ 15 ઓગસ્ટે જાહેરાત કરી હતી કે સાયબર સ્પેસ પર નિર્ભરતા આગામી વર્ષમાં નોંધપાત્ર વધશે, તેથી નવી સાયબર સિક્યોરિટી વ્યૂહરચના ઘડવામાં આવશે. પંતના કહેવા મુજબ, રાષ્ટ્રીય સાયબર સિક્યુરિટી સ્ટ્રેટેજી (એનસીએસએસ) નો ઉદ્દેશ ભારતમાં સલામત, વિશ્વસનીય અને ગતિશીલ સાયબરસ્પેસને સુનિશ્ચિત કરવાનો છે. તેમણે કહ્યું કે, એનસીએસએસ હાલ ઉચ્ચ સ્તરે છે અને અંતિમ સ્તરની મંજૂરીની રાહ જોવાઈ રહી છે.
