કોરોનાના કહેર વચ્ચે બાળકોમાં દેખાય છે નવી બીમારીના લક્ષણો, ચિંતામાં વધારો

Published: Jul 22, 2020, 11:22 IST | Gujarati Mid-day Online Correspondent | Mumbai

10 મહિનાથી લઈને 15 વર્ષ સુધીના બાળકોમાં PMIS બીમારીના લક્ષણ જોવા મળ્યા છે

પ્રતીકાત્મક તસવીર
પ્રતીકાત્મક તસવીર

કોરોના વાયરસ (COVID-19)ને લીધે મહારાષ્ટ્ર રાજ્ય સૌથી વધુ પ્રભાવિત છે. દરમિયાન અહીં બાળકોમાં કોરોના વાયરસ ઉપરાંત નવી બીમારીના લક્ષણો જોવા મળી રહ્યાં છે. જે ચિંતામાં વધારો કરે છે. વાડિયા હૉસ્પિટલમાં અત્યાર સુધીમાં 100 કોરોનાગ્રસ્ત બાળકોને દાખલ કરવામાં આવ્યા છે. જેમાંથી 18 બાળકો Paediatric Multisystem Inflammatory Syndrome (PMIS)નો ભોગ બન્યા છે.

ડૉક્ટરોના જણાવ્યા મુજબ, PMISના લક્ષણો સામાન્ય છે. જેમાં તાવ આવવો, ત્વચામાં લાલાશ આવવી, આંખમાં બળતરા થવી, પેટ સંબંધિત બિમારીઓ વગેરે થાય છે. આ બિમારીના લક્ષણોને લીધે ડૉક્ટરોની ચિંતામાં વધારો થયો છે. અહેવાલ મુજબ, 18માંથી 2 બાળકોનું કોરોનામાંથી સાજા થયા બાદ આ બિમારીથી મોત નિપજ્યુ હતું. વાડિયા હોસ્પિટલે ઈન્ડિયન કાઉન્સિલ ઓફ મેડિકલ રિસર્ચ (ICMR)ને આ અંગે જાણ કરી છે. અન્ય જગ્યાએથી ડેટા મંગાવી રહ્યા છે. વાડિયા હૉસ્પિટલના મેડિકલ ડાયરેક્ટર ડૉ. શકુંતલા પ્રભુએ કહ્યું હતું કે, માર્ચ મહિનાથી લઈને અત્યાર સુધી 600 બાળકોના કોરોના ટેસ્ટ થયા છે. જેમાંથી 100 પૉઝિટિવ આવ્યા હતા. આ 100માંથી 18 બાળકોમાં PMISના લક્ષણો જોવા મળ્યા છે. જે કાવાસાકી જેવા છે. કાવાસાકી નાના બાળકોમાં જોવા મળે છે જ્યારે PMIS 10 મહિનાથી લઈને 15 વર્ષના બાળકોમાં જોવા મળે છે.

અત્યારે, ડૉક્ટરો આ મામલામાં સંશોધન કરી રહ્યાં છે. આ પ્રકારના કેસ જૂન મહિનામાં મુંબઈ આવ્યા હતા. ચેન્નઈ, દિલ્હી અને જયપુરમાં પણ આ પ્રકારના કેસ નોંધાયા છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK