Coronavirus: દેશમાં છેલ્લા 24 કલાકમાં 13,823 નવા કેસ નોંધાયા, રિકવરી રેટમાં વધારો

Updated: 20th January, 2021 13:56 IST | Gujarati Mid-day Online Correspondent | Mumbai

India Coronavirus Updates, દેશમાં કોરોના રોગચાળાની સ્થિતિમાં સતત સુધારો થઈ રહ્યો છે. છેલ્લા 24 કલાકની વાત કરીએ તો દેશમાં કોરોના નવા ફક્ત 13 હજાર કેસ નોંધાયા છે.

પ્રતીકાત્મક તસવીર
પ્રતીકાત્મક તસવીર

India Coronavirus Updates, દેશમાં કોરોના રોગચાળાની સ્થિતિમાં સતત સુધારો થઈ રહ્યો છે. છેલ્લા 24 કલાકની વાત કરીએ તો દેશમાં કોરોના નવા ફક્ત 13 હજાર કેસ નોંધાયા છે. કેન્દ્રીય આરોગ્ય મંત્રાલાયના જણાવ્યા મુજબ છેલ્લા 24 કલાકમાં કોરોનાના 13,823 નવા કેસ સામે આવ્યા છે. આ સમય દરમિયાન 162 લોકોનાં મોત નીપજ્યાં છે. દેશમાં કોરોનાનો રિકવરી રેટ સાડા 96 ટકાથી અધિક થઈ ચૂક્યો છે.

કેન્દ્રીય આરોગ્ય મંત્રાલયના તાજેતરના આંકડા અનુસાર દેશમાં કોરોના વાઈરસ સંક્રમણના અત્યાર સુધી 1 કરોડ 5 લાખ 95 હજાર 660 કેસ સામે આવી ચૂક્યા છે. જોકે એમાંથી 1.02 કરોડ લોકો સાજા થઈ ગયેલા દર્દીઓની કુલ સખ્યા 1 કરોડ 2 લાખ 45 હજાર 741 થઈ ચૂકી છે. દેશમાં કોરોના વાઈરસના હાલ 1 લાખ 97 હજાર 201 એક્ટિવ કેસ બચ્યા છે. દેશમાં કોરોના વાઈરસના કારણે અત્યાર સુધી કુલ 1 લાખ 52 હજાર 718 લોકોના મોત નીપજ્યાં છે.

એક્ટિવ કેસ 2 લાખથી થયા ઓછા

દેશમાં કોરોના વાઈરસના સક્રિય કેસ 2 લાખ કરતા પણ ઓછા થઈ ગયા છે. છેલ્લા 24 કલાકમાં દેશમાં કોરોના વાઈરસના 3327 એક્ટિવ કેસ ઓછા થયા છે. આનાથી એક્ટિવ દર 1.86 ટકા રહી ગયો છે. દેશમાં કોરોના સંક્રમણથી 24 કલાકમાં 16,988 લોકો સાજા થયા છે. એનાથી રિકવરી દર 96.70 ટકા થઈ ગયો છે. દેશમાં કોરોનાનો મૃત્યુ દક 1.44 ટકા છે.

દેશમાં 18.80 કરોડથી વધારે ટેસ્ટ

દેશમાં કોરોના તપાસની સંખ્યા પણ આગળ વધી રહી છે. દેશમાં 18.80 કરોડથી વધારે સેમ્પલોની કોરોના તપાસ કરવામાં આવી છે. ઈન્ડિયા કાઉન્સિલ ઑફ મેડિકલ રિસર્ચ (Indian Council of Medical Research), ICMR તરફથી જાહેર કરવામાં આવેલા આંકડા અનુસાર દેશમાં મંગળવારે એટલે 19 જાન્યુઆરી સુધી 18,85,66,947 સેમ્પલોની તપાસ થઈ ચૂકી છે, જેમાંથી 7,64,120 ટેસ્ટ કાલે કરવામાં આવ્યા છે.

દેશમાં અત્યાર સુધી સાડા 6 લાખથી વધુ રસીકરણ

દેશમાં કોરોના વાઈરસ વિરૂદ્ધ રસીકરણ ચાલુ છે. કેન્દ્રીય આરોગ્ય મંત્રાલયના તાજેતરના આંકડાઓ અનુસાર દેશમાં અત્યાર સુધી 6 લાખ 74 હજાર 835 લોકોને રસી આપવામાં આવી છે. તેમાંથી છેલ્લા 24 કલાકમાં 2 લાખ 20 હજાર 789 લોકોને રસી આપવામાં આવી છે.

First Published: 20th January, 2021 13:49 IST
Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK