કોરોના સામેની લડાઈ પર મુંબઈના પોલીસ-કૉન્સ્ટેબલનું ગીત વાઇરલ

Published: Jun 25, 2020, 11:29 IST | Agencies | Mumbai

કોરોના વાઇરસ સામે અવેરનેસ ફેલાવવા મુંબઈ પોલીસ દ્વારા ઍનિમેશનની મદદથી એક ગીત શૂટ કરવામાં આવ્યું છે.

કૉન્સ્ટેબલ સંજીવ લાંડગે
કૉન્સ્ટેબલ સંજીવ લાંડગે

કોરોના વાઇરસ સામે અવેરનેસ ફેલાવવા મુંબઈ પોલીસ દ્વારા ઍનિમેશનની મદદથી એક ગીત શૂટ કરવામાં આવ્યું છે. કૉન્સ્ટેબલ સંજીવ લાંડગે ખેરવાડી પોલીસ-સ્ટેશન સાથે જોડાયેલા છે. તેમણે આ ગીત લખ્યું છે અને એનું પ્રોડક્શન કર્યું છે. તેઓ અને તેમના અમુક સહકર્મચારીઓ આ ગીતમાં જોડાયા છે. આ સાથે મિલિંદ ગુનાજી, વિજય પાટકર, પ્રિયા બેરડે, કિશોરી અંબિયે વગેરે કલાકારો પણ જોડાયા છે. આ ગીત કોરોનાને હરાવવા માટે બનાવવામાં આવ્યું છે.

લાંડગેએ જણાવ્યું હતું કે ‘લૉકડાઉનમાં ગીત શૂટ કરવું અમારા માટે અઘરું હતું. મારા ડ્યુટીના કલાકો બાદ મોબાઇલ ફોનમાં હું ગીત શૂટ કરતો હતો. આ વિડિયો પૂર્ણ કરવામાં અમને દસેક દિવસનો સમય લાગ્યો હતો. લોકોને આ વિડિયો ગમી રહ્યો છે.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK