સુનીતા વિલિયમ્સના પૃથ્વી પર પુનરાગમનનું કાઉન્ટડાઉન શરૂ
સુનીતા અને અન્ય બે અવકાશયાત્રીઓ કઝાખસ્તાનમાં ઉતરાણ કરશે. ગઈ કાલથી સુનીતાના પુનરાગમનનું કાઉન્ટડાઉન શરૂ થઈ ગયું હતું. સૌથી લાંબો વખત સ્પેસમાં રહેવાનો વિક્રમ ધરાવતી સુનીતા વિલિયમ્સે ગઈ કાલનો દિવસ સ્પેસ-સ્ટેશનના લોકલ એરિયા નેટવર્કની વાયરલેસ સિસ્ટમને અપગ્રેડ કરવાના કામમાં ગાળ્યો હતો. આ સાથે તેણે પૃથ્વી પર પાછા ફરવાની તૈયારી પણ કરી હતી તથા ગુજરાતના સાયન્સ સ્ટુડન્ટ્સ સાથે રેડિયો દ્વારા વાતચીત પણ કરી હતી. બે દિવસ પહેલાં જ સુનીતાએ ભારતવાસીઓને દિવાળીની શુભેચ્છા મોકલી હતી.
