અમને બીમારીનાં લક્ષણો હતાં છતાં અમારી પાસે કામ કરાવડાવ્યું
બીએમસીએ સીલ કરી વૉકહાર્ટ હોસ્પિટલ
વૉકહાર્ડ હૉસ્પિટલના એક કર્મચારીએ હૉસ્પિટલના સંકુલની અંદર ઝડપથી ફેલાઈ રહેલા વાઇરસ અંગે ચિંતા વ્યક્ત કરતાં જણાવ્યું હતું કે કુલ બાવન લોકોના સ્ટાફમાં કેરળની ૪૬ નર્સોનો પણ સમાવેશ થાય છે, સમગ્ર સ્ટાફનો કોરોના ટેસ્ટ-રિપોર્ટ પૉઝિટિવ આવ્યો છે.
એક નર્સે નામ ન આપવાની શરતે જણાવ્યું હતું કે ‘વૉકહાર્ડ હૉસ્પિટલની આશરે ૯૦ ટકા નર્સ કેરળની છે. અમે દરદીની સારવાર કરીએ છીએ અને નર્સોમાં પણ બીમારીનાં લક્ષણો દેખાવા માંડ્યાં છે, જ્યારે અમારા ઉપરીઓએ અમારી ચિંતા પર ધ્યાન ન આપ્યું ત્યારે અમે અમારા સહકર્મીઓનાં હિતમાં અવાજ ઉઠાવવાનું નક્કી કર્યું છે.’
ADVERTISEMENT
કેટલીક નર્સો પહેલા માળના આઇસોલેશન વૉર્ડમાં સેવા બજાવી રહી છે. અહીં કોવિડ-19ના નવ પૉઝિટિવ કેસ દાખલ થયા છે, જેમાં પાંચ દરદી બહારના છે અને ચાર નર્સ છે.
સ્ટાફના એક સભ્યએ જણાવ્યું હતું કે ‘અમે રોજ કોવિડ-19 પૉઝિટિવ દરદીઓના સંપર્કમાં આવીએ છીએ. અમને ખાતરી છે કે અમારો ટેસ્ટ-રિપોર્ટ પણ પૉઝિટિવ આવશે. અત્યારે અમારો રિપોર્ટ નેગેટિવ આવ્યો હોવા છતાં હૉસ્પિટલ અમને રિપોર્ટ આપતી નથી. સ્ટાફની કેટલીક નર્સોમાં ખાંસી, માથું દુખવું અને તાવનાં લક્ષણો દેખાવા માંડ્યાં છે. તેઓ પૉઝિટિવ નર્સોની સાથે તેમના હોસ્ટેલ-રૂમમાં રહ્યાં હતાં. છતાં તેઓ કામ કરી રહ્યાં છે, જે જોખમી છે.’
