ભારતમાં હવે ઇટલીથી પણ વધારે કોરોના કેસ સામે આવી રહ્યા છે

ભારતમાં હવે ઇટલીથી પણ વધારે કોરોના કેસ સામે આવી રહ્યા છે

પ્રતીકાત્મક તસવીર

ભારતમાં ૪૦ દિવસના લૉકડાઉન બાદ કોરોના વાઇરસની ગતિ ધીમી થઈ છે. જોકે જે હજી પણ ખૂબ જ વધારે છે. ભારતમાં કોરોના વાઇરસના કેસનો ડેલી ગ્રોથ રેટ અમેરિકા, ઇટલી, બ્રિટનથી પણ વધારે છે. કોરોના વાઇરસના સંક્રમણથી સૌથી વધારે પ્રભાવિત ૨૦ દેશોના ડેલી ગ્રોથ રેટ મુજબ ભારતમાં વાઇરસ ખૂબ જ વધારે ગતિથી ફેલાઈ રહ્યો છે. 

૨૨ માર્ચે ભારતમાં ઍવરેજ ડેલી ગ્રોથ રેટ ૧૯.૯ ટકા હતો. લૉકડાઉનના ૨.૦નો છેલ્લો દિવસ એટલે ૩ મેના રોજ ડેલી ગ્રોથ રેટ ઘટીને ૬.૧ ટકા થઈ ગયો હતો, જ્યારે ૩ મેના રોજ ઇટલીમાં ડેલી ગ્રોથ રેટ ૧ ટકા હતો, જ્યારે અમેરિકા ૨.૭ ટકા અને બ્રિટન ૩.૦ ટકા હતો.

ADVERTISEMENT

૪ મેના રોજ ઇટલીમાં ૧૨૨૧ના નવા કેસ સામે આવ્યા હતા, જ્યારે ભારતમાં ૨૯૦૦ નવા કેસ નોંધાયા હતા. ૩ મેના રોજ દેશમાં ૨૬૪૪ કેસ નોંધાયા હતા, જ્યારે ઇટલીમાં નવા કેસની સંખ્યા ૧૯૦૦ હતી. ૩ મે રોજ સમાપ્ત થયેલા અઠવાડિયામાં ભારતમાં પ્રત્યેક દિવસે ઍવરેજ ૧૯૨૬ કેસ વધ્યા છે. ઇટલીમાં આ આંકડો ૧૯૯૭, યુકેમાં ૪૮૪૦, બ્રાઝિલમાં ૫૪૩૬ અને રશિયામાં ૭૦૭૬ હતો.